Jeremia 22:30 - Motingʼo Loko Manyien

³⁰ Ma e gima Jehova Nyasaye wacho: “Kwan ngʼatni ka ngʼama onge nyathi, ngʼatno ma ok nyal dhi nyime maber, e kinde mar ngimane, nimar onge gunde mane dhi maber, onge manobed e kom duongʼ Daudi, kata bed gi loch kendo ei Juda.”

MUMA MALER 2015

³⁰ Ng’atni okuong’, omiyo enotho maonge nyathi. En ng’at ma ok nyal dhi nyime maber. Nyikwaye ok nobed ruodhi mag Juda ka Daudi. An Ruoth Nyasaye ema awacho kamano.”

Jeremia 22:30 ပူးပေါင်းရင်းမြစ်များ

Ayub 18:19

Oonge gi nyithinde kata nyikwaye e dier ogandane, kata ngʼama nodongʼ kama yande odakie.

Zaburi 94:20

Loch marach bende inyalo riworigo adier, loch mamiyo ji chandore malit nikech chikene maricho?

Jeremia 10:21

Jokwath onge rieko to bende ok gipenj Jehova Nyasaye wach; mano emomiyo ok gidhi nyime maber kendo rombe mag-gi duto oke.

Jeremia 2:37

Bende ubiro aa kanyo gi lweteu ka uketo ewiu, nimar Jehova Nyasaye osedagi joma ugeno kuomgi; ok ginikonyu.”

Jeremia 22:2

‘Winj wach Jehova Nyasaye, yaye ruodh Juda, un joma bet e kom duongʼ Daudi, in, jotendi kod jogi madonjo gie dhorangeyegi.

Jeremia 29:32

ma e gima Jehova Nyasaye wacho: Adier, anakum Shemaya ja-Nehelam kod gunde. Onge ngʼama nodongʼ kuom joge, kata neno gik mabeyo mabiro timo ne joga, nikech oselando mondo ji ongʼanyna. An Jehova Nyasaye ema awacho kamano.’ ”

Jeremia 36:30

Emomiyo, ma e gima Jehova Nyasaye wacho kuom Jehoyakim ruodh Juda: Ok nobed gi ngʼama bedo e kom duongʼ Daudi; ringre nowit oko kendo nomo oko ne liet mar odiechiengʼ kendo ne thoo mar otieno.

Jeremia 52:10

E Ribla ruodh Babulon nonego yawuot Zedekia koneno; bende nonego jotelo duto mag Juda.