Jeremia 20:13 - Motingʼo Loko Manyien

¹³ Werne Jehova Nyasaye! Pak Jehova Nyasaye! Oreso ngima joma nigidwaro, e lwet joma timbegi mono.

MUMA MALER 2015

¹³ “Weruru ni Ruoth Nyasaye, kendo pakeuru, nikech osereso joma ithiro e lwet joma timbegi richo.

Jeremia 20:13 ပူးပေါင်းရင်းမြစ်များ

Zaburi 34:6

Ngʼat ma odhierni noluongo Jehova Nyasaye, kendo Jehova Nyasaye nowinje; ne orese mogole e chandruokne duto.

Zaburi 69:33

Jehova Nyasaye winjo joma ochando kendo ok olok ngʼeye ne joge motwe.

Zaburi 72:4

Obiro chwako joma odhier manie dier ji kendo obiro reso nyithind joma ochando; to thiro ji, to obiro tieko pep.

Isaya 25:4

Isebedo kar pondo ne jochan, kar gengʼruok ne jodhier manie lit, kar bwok ka ahiti kudho, kendo kar tipo ka chiengʼ kech. Nimar muya mar janjore chalo mana ka ahiti makudho kochomo ohinga,

Jeremia 15:21

“Anaresi e lwet joma timbegi mono kendo akonyi e lwet joma ger.”

Jeremia 31:7

Ma e gima Jehova Nyasaye wacho: “Wer gi ilo ne Jakobo; kog matek ne jotelo madongo mag ogendini. Onego pak magu owinjre, kendo uwachi niya, ‘Yaye Jehova Nyasaye, res jogi, jo-Israel mane otony.’