Jeremia 18:20 - Motingʼo Loko Manyien

²⁰ Bende ber inyalo chul gi tim marach? To kata kamano gisekunyona bugo. Par nine achungʼ e nyimi kendo awuoyo ka akwayonegi, mondo kik iol mirimbi kuomgi.

MUMA MALER 2015

²⁰ Richo bende ichulo kuom ber? Gin to gisekunyona bur mondo anyumrae. Par kaka ne abiro iri, mi awuoyo kodi, kakwayi mondo kik mirima maki kodgi.

Jeremia 18:20 ပူးပေါင်းရင်းမြစ်များ

Ayub 6:27

Ichalo ngʼama nyalo goyo ombulu mar nego nyathi kich kendo inyalo ndhogo kata mana osiepeni.

Zaburi 106:23

Emomiyo nowacho ni nobiro tiekogi ka dine Musa, ngʼate moyiero, we chungʼ kaywagore e nyime mondo ogengʼ mirimbe kik otiekgi.

Zaburi 119:95

Joma timbegi richo obutona mondo gitieka, to abiro bet mos ka aparo kuom chikeni.

Zaburi 35:12

Gichula rach kar ber, kendo giweyo chunya kochwanyore.

Zaburi 35:7

Nikech gichikona obadhogi kayiem nono kendo gikunyona bur kayiem mondo alwarie;

Zaburi 38:20

Joma chulo rach kuom ber ma asetimonegi kuodho nyinga ka an to alawo gima ber.

Zaburi 57:6

Ne giyaro jogo mondo omak tiendena, kane chuny lit odola. Ne gikunyo bugo e yora, to kata kamano gin giwegi ema giselutore e iye. Sela

Zaburi 7:15

Ngʼama loso bur kendo kunye maber podho e bure mokunyono.

Ngeche 17:13

Ka ngʼato chulo rach kar ber, rach ok nowe ode.

Ngeche 26:27

Ka ngʼato okunyo bur, obiro lutore e iye; to ka ngʼato ngʼielo kidi, to kidino biro ngʼielore kaduogo ire.

Eklesiastes 10:8

Ngʼama kunyo bur matut nyalo lwar e iye; to ngʼama muko kor ot thuol nyalo kayo.

Jeremia 11:14

“Kik ilam ne jogi kata chiwonegi kwayo moro amora kata sayonegi, nikech ok anawinji ka gibiro ira e seche mag masira.

Jeremia 14:20

Yaye Jehova Nyasaye, wayie gi timbewa mamono kod ketho mag wuonewa; adiera wasetimoni richo.

Jeremia 15:1

Eka Jehova Nyasaye nowachona kama: “Kata dabed ni Musa gi Samuel ema nyalo chungʼ e nyima, to ok anyal weyonegi richogi. Golgi oko e nyima! Wegi gidhi!

Jeremia 17:18

Mad jogo masanda ne wichkuot, to an kik wiya kuodi; mad gibed gi bwok maduongʼ to an kik ibwoga. Kel gigi kuomgi e kinde mar masira; kethgi gi kethruok manyadiriyo.

Jeremia 18:19

Winja, yaye Jehova Nyasaye; winj gima joma donjona wacho!

Jeremia 18:22

Mad ywak winji koa e utegi ka ikelo joma dwaro monjogi apoya nono, nimar gisekunyona bugo mondo gimaka kendo giseketo obadho mondo gimak godo tienda.

Jeremia 27:18

Ka gin jonabi kendo gin-gi wach Jehova Nyasaye, to mondo gikwa Jehova Nyasaye Maratego gigo mabeyo modongʼ e od Jehova Nyasaye kod e kar dak mar ruodh Juda kod e Jerusalem kik ter Babulon.

Jeremia 5:26

“E dier joga nitiere joma timbegi mono ma buto ka jogo machiko winy, kendo kaka jogo maketo obadho mar mako ji.

Jeremia 7:16

“Omiyo kik ilamne jogi kata chiwo kwayo moro amora kata kwayonegi lamo; kik isaya, nimar ok anawinji.

Ywagruok 3:59

Yaye Jehova Nyasaye, iseneno, rach mosetimna, ngʼad bucha kare!

Johana 10:32

to Yesu nowachonegi niya, “Asenyisou honni madongo mangʼeny moa ka Wuora. Kuom honnigi duto, en mane kuomgi ma udwaro chielane gi kite?”

Johana 15:25

Mago duto osetimore mana mondo ochop gima ondiki e chikgi ni, ‘Ne gichaya kayiem nono.’

1 Samuel 19:4

Jonathan nowuoyo maber kuom Daudi ne Saulo, wuon mare, mowachone niya, “Ruoth kik itim marach ne jatichni Daudi; pok otimoni marach, to osemana konyi ahinya.