Jeremia 17:7 - Motingʼo Loko Manyien

⁷ “To ogwedh ngʼatno moketo geno mare kuom Jehova Nyasaye, kendo oyie kuome.

MUMA MALER 2015

⁷ To oguedh ng’at ma ogena kendo oyie kuoma,

Jeremia 17:7 ပူးပေါင်းရင်းမြစ်များ

Zaburi 125:1

Joma ogeno kuom Jehova Nyasaye chalo gi Got Sayun, ma ok nyal yiengi to osiko nyaka chiengʼ.

Zaburi 146:5

Ogwedh ngʼat ma konyruokne en Nyasach Jakobo, ngʼat ma genone ni kuom Jehova Nyasaye ma Nyasache.

Zaburi 2:12

Bolreuru e nyim Wuowi, nono to dipo kokecho kodu mi dongʼad ndalou, motieku, nimar iye nyalo wangʼ kodu kadiemo wangʼ. Ji duto mogeno kuome gin joma ogwedhi.

Zaburi 20:8

Gibiro lwar e chonggi mi gipodhi, to wan wabiro aa malo mi wachungʼ motegno.

Zaburi 34:8

Bi mondo ine ni Jehova Nyasaye ber; ngʼat ma pondo kuome ogwedhi.

Zaburi 40:4

Ngʼat moketo Jehova Nyasaye kaka kar geno mare en ngʼat mogwedhi, ngʼat ma ok many kony kuom josunga, bende ok omany kony kuom joma lokore mondo olam nyiseche mag miriambo.

Zaburi 71:5

Nimar in ema isebedo genona, yaye Jehova Nyasaye Manyalo Gik Moko Duto, in ema isebedo kimiya chir nyaka ae tin-na.

Zaburi 84:12

Yaye Jehova Nyasaye Maratego, ngʼama ogeno kuomi ogwedhi.

Ngeche 16:20

Ngʼato angʼata mawinjo puonj dhi maber, to ojahawi ngʼatno moketo genone kuom Jehova Nyasaye.

Isaya 30:18

Kata kamano pod odwaro nyiso ngʼwono mare kuome; obiro mondo onyisu kech mare. Nimar Jehova Nyasaye en Nyasaye ma ja-adiera. Jogo duto mogeno kuome ogwedhi.

Isaya 61:3

abiro konyo jogo man-gi lit Sayun, kendo gik mabiro miyogi e magi: ketonegi maua mabeyo kar buru magi bukorego, kendo mor kar lit ma gin-go, kendo chiwo lewni mag pak kar chuny mool. Enoluong-gi ni yiend ober mag tim makare, mopidh gi Jehova Nyasaye, konyiso godo duongʼne.

Jeremia 39:18

Enoresi; ok nonegi gi ligangla to initony gi ngimani, nikech igeno kuoma,’ ” Jehova Nyasaye owacho.

Daniel 3:28

Eka Nebukadneza nowacho niya, “Opak Nyasach Shadrak, Meshak kod Abednego nikech en ema oseoro malaikane mi oreso jotichne! Negigeno kuome mi gidagi luwo chikna kendo ne giyie wito ngimagi kar tiyona kata lamo nyasaye moro machielo ma ok Nyasachgi giwegi.

Zefania 3:12

To anawe joma muol e dieru kendo ma obolore, ma gin jogo ma oyie kuom nying Jehova Nyasaye.

Jo-Efeso 1:12

mondo mi wan mane wakwongo geno kuom Kristo, wadag ngima mamiyo ipako duongʼne maler.