Jeremia 10:13 - Motingʼo Loko Manyien

¹³ Ka omor ka polo, to pige manie polo wuo; omiyo boche polo dhwolore koa e giko piny. Ooro mil polo gi koth kendo okelo yamo koa e kuondege mag keno.

MUMA MALER 2015

¹³ Omiyo pi man e tok polo wuo, kendo otugo boche polo e tung’ piny duto. Bende omiyo polo mil ka koth chue, kendo ogolo yamo kar kenone mondo okudhi.

Jeremia 10:13 ပူးပေါင်းရင်းမြစ်များ

Chakruok 2:5

ne onge buya mane osetwi e piny kendo ne onge yien mane osedongo nikech Jehova Nyasaye ne pok ooro koth e piny kendo ne onge dhano mawuotho ewi lowo,

1 Ruodhi 18:41

Kendo Elija nowacho ni Ahab niya, “Dhi ichiem kendo imethi nikech nitie mor koth maduongʼ kawuono.”

Ayub 38:22

“Bende isedonjo e dere mokanie pe madongo kata neno dere mag pe matindo,

Zaburi 104:13

Omiyo koth chue ewi gode koa e dalane manie polo; piny nyago olembe moromo nikech tijene.

Zaburi 135:17

Gin gi it, to ok ginyal winjo wach, kendo kata mana muya onge e dhogi.

Zaburi 135:7

Omiyo boche wuok koa e tungʼ piny koni gi koni, kendo ooro mil polo ka koth chue, bende okelo yamo kogolo e utege mokanogie.

Zaburi 147:8

Oumo kor polo gi boche polo, kendo oromo piny gi koth, bende omiyo lum twi ewi thuche.

Zaburi 18:13

Jehova Nyasaye nomor gie polo; dwond Nyasaye Man Malo Moloyo nowinjore.

Zaburi 68:33

werneuru ne Jal mariembo gechene e kor polo malo manyaka nene, Jal mamor gi dwol maduongʼ.

Wuok 9:23

Ka Musa norieyo ludhe kochomo polo, Jehova Nyasaye nooro mor polo gi pe kendo polo nomil koni gi koni, kuom mano Jehova Nyasaye noolo pe e piny Misri.

Jeremia 14:22

Bende nyiseche manono maonge tich mar ogendini bende nyalo kelo koth? Bende boche kendgi kelo ngʼidho? Ooyo, en in, yaye Jehova Nyasaye ma Nyasachwa. Emomiyo genowa ni kuomi, nimar in ema itimo magi duto.

Jeremia 19:12

Ma e gima anatimne pinyni kod joma odak ka, Jehova Nyasaye owacho. Anami dala maduongʼni chal gi Tofeth.

Jeremia 5:24

Ok giwach e kindgi giwegi, ‘Mad waluor Jehova Nyasaye ma Nyasachwa, mamiyowa kodh chwiri kod kodh opon e kinde mowinjore, ma singonwa gadiera jumbe mag keyo.’

Jeremia 51:16

Ka omor ka polo, to pige manie polo wuo; omiyo boche polo dhwolore koa e giko piny. Ooro mil polo gi koth, kendo okelo yamo koa e kuondege mag keno.

Amos 4:13

Jal mane ochweyo gode bende ema nochweyo yamo, onyiso dhano parone, bende en ema oloko ler mar odiechiengʼ bedo mudho, en e ruodh piny duto; nyinge en Jehova Nyasaye, ma Nyasaye Maratego.

Zekaria 10:1

Kwauru Jehova Nyasaye mondo omiu koth kinde komo; nikech Jehova Nyasaye ema miyo polo dudo. En ema ochiwo koth mondo ochwe ni ji kod yiende mag bungu.