Jeremia 1:7 - Motingʼo Loko Manyien

⁷ To Jehova Nyasaye nowachona niya, “Kik iwach ni, ‘An mana nyathi.’ Nyaka idhi ir ji duto maori irgi kendo iwach gimoro amora ma achiki.

MUMA MALER 2015

⁷ To Ruoth Nyasaye nowachona niya, “Kik iwachi ni pod itin, to dhiyo adhiya ir ji duto ma aori kuomgi, mondo iwachnigi gik moko duto ma anyisi.

Jeremia 1:7 ပူးပေါင်းရင်းမြစ်များ

1 Ruodhi 22:14

To Mikaya nowacho niya, “Akwongʼora gi nying Jehova Nyasaye mangima ni, anyalo mana nyise gima Jehova Nyasaye owachona.”

1 Ruodhi 3:7

“Koro, yaye Jehova Nyasaye, ma Nyasacha, iseketo jatichni ruoth kar wuonwa Daudi. To an mana rawera kendo ok angʼeyo kaka onego atim tichna.

2 Weche mag Ndalo 18:13

To Mikaya nowacho niya, “Akwongʼora gi nying Jehova Nyasaye mangima ni, anyalo mana nyise gima Nyasacha owacho.”

Wuok 6:29

nowachone niya, “An Jehova Nyasaye. Nyis Farao ruodh jo-Misri gik moko duto manyisi.”

Jeremia 26:2

“Ma e gima Jehova Nyasaye wacho: Chungi e laru mar od Jehova Nyasaye kendo iwuo gi ji duto manie dala mar Juda ma lemoga e od Jehova Nyasaye. Nyisgi gik moko duto manyisi; kik iwe kata wach achiel.

Jeremia 43:1

Ka Jeremia notieko nyiso ji weche duto mag Jehova Nyasaye Nyasachgi, ma gin gik moko duto ma Jehova Nyasaye ne oore mondo onyisgi,

Jeremia 7:27

“Ka inyisogi magi duto, ok giniwinji; ka iluongogi, ok gini miyi dwoko.

Ezekiel 2:7

Nyaka iwachnegi wechena, kata giyie winjo kata gidagi, nikech gihero ngʼanyo.

Ezekiel 3:27

To ka achako awuoyo kodi kendo to abiro yawo dhogi, kendo ibiro wachonegi ni, ‘Ma e gima Jehova Nyasaye Manyalo Gik Moko Duto wacho.’ Ngʼat mohero winji obi owinji awinja, to ngʼat motamore winji bende otamre otama; nikech gin dhoot mohero ngʼanyo.

Amos 7:15

To Jehova Nyasaye ema noluonga ka akwayo rombe, mine owachona ni, ‘Dhiyo mondo ikor wach ne joga Israel.’

Jona 3:2

“Dhiyo e dala maduongʼ mar Nineve, kendo iwachne jo-dalano weche mane anyisi.”

Kwan 22:20

Nyasaye nofwenyore ne Balaam otienono mowachone niya, “Nikech jogi obiro luongi, yie idhi kodgi, to kata kamano itim mana gima anyisi.”

Kwan 22:38

Balaam nodwoko niya, “Mano ber, eri asebiro. Koso iparo ni anyalo wacho gimoro amora? Ooyo, nyaka awach mana gima Nyasaye oketo e dhoga.”

Mathayo 28:20

kendo kupuonjogi mondo gitim gik moko duto ma asechikou. To awachonu adier ni an kodu ndalo duto, nyaka giko mar ndalo.”

Tich Joote 20:27

nikech ne ok aweyo ma ok anyisou gik moko duto ma Nyasaye dwaro ni utim.