Jakobo 4:14 - Motingʼo Loko Manyien

¹⁴ Ere kaka uwuoyo kamano to ukia gima kiny notimre. Uparo ni ngimau en angʼo? Ngimau chalo mana ka ongʼwengʼo mineno sa matin kende to bangʼe lal nono.

MUMA MALER 2015

¹⁴ Ukia gima kiny notimre kiny! Uparo ni ngimau en ang’o? Donge un mana ong’ueng’o mineno kuom kinde matin, to bang’e lal nono?

Jakobo 4:14 ပူးပေါင်းရင်းမြစ်များ

2 Samuel 19:34

To Barzilai nodwoko ruoth niya, “Aseti, pod abiro dak higni adi, madimi adhi gi ruoth Jerusalem?

Zaburi 102:3

Nimar ndalona rumo piyo ka iro; chokena rewni ka kit kendo maliet.

Zaburi 144:4

Dhano chalo gi muya nono kendo ndalone chalo gi tipo makadho piyo.

Zaburi 39:5

Iseketo ndalona obedo machiek ka bad dhano; kar romb higni maga ok gimoro e nyimi, ngima dhano ka dhano en mana muya nono. Sela

Zaburi 78:39

Noparo kaka ne gin mana dhano adhana machalo yamo makalo kendo ok chak duogi.

Zaburi 89:47

Parie kaka ngimana rumo piyo. Neye kaka ne ichweyo dhano duto kayiem!

Ngeche 27:1

Kik isungri kuom kiny, nikech ok ingʼeyo gima odiechiengʼ nyalo kelo.

Isaya 2:22

We keto genoni kuom dhano nimar dhano, en mana muya kende mawuok e ume. Koso en angʼo man kuome maber?

Isaya 38:12

Osepudh oda mi owit mabor mana kaka igolo kiru mar jakwath. Ngimana osengʼad machiek mana kaka jatwengʼo dolo usi mabed machiek kendo asandora pile ka pile, odiechiengʼ kod otieno.

Jakobo 1:10

To ngʼat man-gi mwandu bende onego bed mamor ka Nyasaye odwoke piny, nikech ja-mwandu biro lal nono mana ka maua moti e thim.

1 Petro 1:24

Nimar Ndiko wacho niya, “Dhano duto chalo gi lum kendo duongʼ ma gin-go chalo mana gi maua manie pap; lum ner kendo maua two mi lwar piny,

1 Petro 4:7

Giko gik moko duto chiegni. Emomiyo beduru gi paro maler kendo ritreuru mondo ulam.

1 Johana 2:17

Pinyni kaachiel gi gombo duto kadho, to ngʼat matimo dwach Nyasaye nobed mangima nyaka chiengʼ.