Jakobo 3:14 - Motingʼo Loko Manyien

¹⁴ To kapo ni upando nyiego mopongʼ gi mirima, gi gombo maricho mag chopo ichlit ma un-go e chunyu, to kik usungru kuom dwarou marichogo kukwedo adiera.

MUMA MALER 2015

¹⁴ To ka chunyu opong’ gi nyiego marach kod piem to kik upakru, kendo kik uriambi ka uumo adiera.

Jakobo 3:14 ပူးပေါင်းရင်းမြစ်များ

Chakruok 37:11

Owetene ne nyiego omako kode, to wuon-gi to ne okano wechego e chunye.

Chakruok 38:9

To Onan nongʼeyo ni nyithindogo ok bi bedo mage, kuom mano e sa asaya mane oriwore kod chi owadgino; ne oolo kothe oko e lowo mondo ne mi kik onywol nyathi ne owadgi.

2 Ruodhi 10:16

Jehu nowachone niya, “Bi mondo idhi koda mondo ineye kaka achiwora tiyone Jehova Nyasaye.” Eka negidhi kode koidho gache.

2 Ruodhi 10:31

Kata kamano Jehu ne ok oritore kuom mako chike Jehova Nyasaye ma Nyasach Israel gi chunye duto. Bende ne ok olokore e richo Jeroboam, mane omiyo jo-Israel otimo.

Ayub 5:2

Ich wangʼ nego ngʼama ofuwo, kendo nyiego tieko ngʼama omingʼ.

Ngeche 14:30

Chuny man-gi kwe kelo ngima ni ringruok, to nyiego towo choke.

Ngeche 27:4

Mirima kwiny to gero pek moloyo, to en ngʼa manyalo chomore gi nyiego?

Isaya 11:13

Nyiego mar jo-Efraim norum bende jowasik Juda notieki; kendo jo-Efraim ok nochak obed gi nyiego gi jo-Juda, kata jo-Juda ok nobed gi ich wangʼ kod jo-Efraim.

Habakuk 1:3

En angʼo momiyo iweya mondo ane timbe maricho? Koso en angʼo momiyo idhil gi timbe maricho? Kethruok kod timbe maricho ochoma pile; lwenje mangʼeny nitie kendo sigu medore.

Mathayo 27:18

Nimar nongʼeyo ni ich lit ema nomiyo giketo Yesu e lwete.

Johana 16:2

Giniriembu e sinagogi; chutho ndalo biro ma ngʼama nonegu notim kamano kaparo ni otiyo ni Nyasaye.

Tich Joote 13:45

To ka jo-Yahudi noneno ogandano, nyiego nomakogi mi gichako wuoyo marach kuom gik mane Paulo wacho.

Tich Joote 26:9

“Kata mana an awuon naketo chunya mar timo duto manyalo mondo akwed nying Yesu ja-Nazareth.

Tich Joote 5:17

Eka jadolo maduongʼ gi joge, mane gin jokanyo mar buch jo-Sadukai, nyiego nomako.

Tich Joote 7:9

“Nikech kwerewago ne nyiego omako gi Josef, ne giuse kaka misumba ne jo-Misri. To nikech Nyasaye ne ni kode,

Jo-Rumi 1:29

Gipongʼ gi kit timbe mamono duto, gi richo, gi wuoro kod timbe mobam. Bende gipongʼ gi ich lit, gi nek, gi dhawo, gi wuond kod himruok. Gin jokuoth,

Jo-Rumi 13:13

Wadaguru e ngima mobidhore kaka joma ni e ler mar odiechiengʼ, ka waweyo kit richo duto kaka, tugo e thum, mer, terruok, anjawo, dhawo kod nyiego.

Jo-Rumi 2:17

In iluongori ni ja-Yahudi; kendo iyiengori kuom Chik, kendo ipakori in ngʼat Nyasaye.

Jo-Rumi 2:8

To joma ohero margi kendo ma ok luw adiera, to luwo mana timbe ma ok kare, norom gi mirimb Nyasaye mager.

1 Jo-Korintho 13:4

Hera timo kinda, kendo ongʼwon, oonge nyiego, ok osungre, bende ok opakre.

1 Jo-Korintho 3:3

Donge pod un mana jopiny ka nyiego kod dhawo ni e kindu? Donge mano nyiso ni un jopiny kendo utimo timbe machalre gi timbe mag dhano?

1 Jo-Korintho 5:2

To bende pod usungoru asunga! Donge onego bed ni upongʼ gi kuyo mondo ugol oko ngʼat matimo kamano e dieru?

1 Jo-Korintho 5:6

Sungau ok ber. Donge ungʼeyo ni thowi matin kende oromo kuodo mogo modwal duto?

2 Jo-Korintho 12:20

Aluor ni ka abiro iru kuno to anyalo yudou ka ok uchal kaka adwaro ni uchal, kendo un bende unyalo yudo ka apogora gi kaka udwaro ni abedi. Aluor ni anyalo yudo ka nitie dhawo gi nyiego, gi mirima, gi pogruok, gi ajara, gi kuoth, gi sunga kod koko e dieru.

Jo-Galatia 5:15

To ka ukaru kendo ukidhoru kendu mana ka ondiegi, to tangʼuru, nono to ubiro tiekoru.

Jo-Galatia 5:20

lamo nyiseche manono, jwok, sigu, dhawo, nyiego, mirima, ichlit, miero; pogruok e kanyakla,

Jo-Galatia 5:21

kod gombo; mer, dwanyruok, gi timbe mamoko mobam machal gi mago. To asiemou kaka nasiemou kinde motelo, ni joma timo timbe ma kamagi ok noyud gweth mar pinyruoth Nyasaye.

Jo-Galatia 5:26

Kik wawuondre kendwa wawegi, ka wasiko mana ka wakwinyore kendo wagombo gige jowadwa.

Jo-Galatia 6:13

Kata mana joma chunou mondo teru nyangu bende ok rit chik. Un to gichunou mondo giyud thuolo mar sungore nikech gima otim e ringre.

Jo-Filipi 1:15

En adier ni jomoko lando wach Kristo ka gin-gi ich lit kod miero, to jomoko to lande ka chunygi ni kare.

Jo-Filipi 2:3

Kik utim gimoro amora mondo upiem gi ji kata mondo unyisru ne ji, to beduru joma obolore, ka kinde duto ukwano joma moko kaka joma beyo moloyou.

1 Timotheo 2:4

madwaro ni ji duto oyud warruok kendo ongʼe adiera.

1 Timotheo 6:4

to ngʼeuru ni ngʼat ma kamano wuondore kende owuon bende onge gima ongʼeyo. Ngʼat ma kamano kasore gi mino wach kendo gigoyo mbaka manono makelo nyiego, gi dhawo, gi kuoth, kod chich maricho;

Tito 3:3

Nikech wan bende chon ne wan joma ofuwo ma ok winj wach kendo wasumbini mag kit gombo gi mor mayoreyore mag ringruok. Ngimawa mapile nopongʼ gi ichlit gi nyiego; ka ji mon kodwa kendo wan bende onge winjruok e kindwa.

Jakobo 1:18

En ema noyiero owuon mondo onywolwa kokonyore gi wach mar adiera, mondo wabed kaka olemo mokwongo chiek e kind chwechne duto.

Jakobo 3:16

Nikech kama nyiego gi piem nitie e kama koko gi timbe maricho duto nitie.

Jakobo 5:19

Owetena, ka ngʼato kuomu obaro oweyo adiera, mi ngʼat moro odwoke e yo,