Jakobo 2:9 - Motingʼo Loko Manyien

⁹ To ka udewo wangʼ ji to utimo richo kendo bura oseloyou kaka joketh chik.

MUMA MALER 2015

⁹ To ka uluoro wang’ ji, to utimo richo, kendo Chik oloyou gi bura ni un joketho.

Jakobo 2:9 ပူးပေါင်းရင်းမြစ်များ

Tim jo-Lawi 19:15

“ ‘Kik iketh buch ngʼato, to ngʼad bura kare ma kik idogne jachan kata luoro wangʼ ngʼama duongʼ, to ngʼadne wadu bura makare kichungʼ e adiera.

Johana 16:8

Ka obiro, nopuonj piny mondo ongʼe tiend richo, tim makare kod kum mabiro.

Johana 8:46

Ere ngʼato kuomu ka manyalo ngʼengʼa ni an jaricho? To ka awachonu adier to angʼo momiyo udagi yie kuoma?

Johana 8:9

Gikanyono, joma nowinjo gima nowachono nochako wuok achiel kaachiel, chakre jomadongo nyaka nyithindo mi dhakono ema nodongʼ kende kochungʼ but Yesu.

Tich Joote 10:34

Eka Petro nochako wuoyo kowacho niya, “Sani koro ayie adier ni Nyasaye chiwo ni ji duto mana machalre ka ok odewo wangʼ ngʼato,

Jo-Rumi 3:20

Kuom mano, onge ngʼama noket kare e nyime kuom timo gik ma Chik owacho, to kuom Chik ema dhano ngʼeyoe kethone.

1 Jo-Korintho 14:24

To ka ngʼat ma ok oyie, kata ngʼat moro ma ok winj tiend gik miwacho odonjo e chokruoku, to oyudo ka ji duto hulo wach, weche mowinjo nyalo loye gi bura, mi olokre,

Jo-Galatia 2:19

“Nikech korka chik to ne asetho kuom chik mondo eka abed mangima ne Nyasaye.

Rapar mar Chik 1:17

Kik udew wangʼ ka ungʼado bura, winj ngʼat matin kod maduongʼ mana machal. Kik uluor wangʼ ngʼato nimar bura makare en mar Nyasaye. Kelnauru bura moro amora matek ma ok unyal kendo abiro winjo.

1 Johana 3:4

Ji matimo richo ketho chik; chutho, richo en ketho chik.

Juda 1:15

mondo oyal ji duto kendo mondo okum joma richo duto kuom timbegi maricho magisetimo e yo ma ok mi Nyasaye duongʼ kendo kuom weche maricho duto ma joricho mochayo Nyasaye oseyanyego.”