Jakobo 1:26 - Motingʼo Loko Manyien

²⁶ Ka ngʼato angʼata okawore ni en jalemo, to ok orito lewe motegno to owuondore kende, kendo lemone onge tiende.

MUMA MALER 2015

²⁶ Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

Jakobo 1:26 ပူးပေါင်းရင်းမြစ်များ

Ayub 15:13

momiyo koro iwuoyo gi Nyasaye ka in gi mirima kendo iwacho weche machalo kamano gi dhogi?

Ayub 30:11

Sani koro gimwomore kuoma nikech Nyasaye osetieko tekrena kendo ogoya gi masira.

Zaburi 141:3

Yaye Jehova Nyasaye, ket jarit e dhoga; ketna jarit mondo okonya umo dhoga.

Zaburi 32:9

Kik ichal gi farese kata gi punda, maonge gi rieko, manyaka chiki mana ka otwe dhoge kendo iywayo gi kamba, nono to ok gibi buti.

Zaburi 34:13

nyaka ogengʼ lewe kik wuo marach kendo ogengʼ dhoge kuom wacho miriambo.

Ngeche 10:19

Ka weche ngʼeny, to richo ok nyal bare ma ok obetie, to ngʼat marito lewe oriek.

Ngeche 10:31

Dho joma kare kelo rieko, to lep mar richo nongʼad oko.

Ngeche 14:12

Nitie yo manenore ne dhano ni nikare, to gikone otero mana ngʼato e tho.

Ngeche 15:2

Lew ngʼat mariek konyore gi rieko, to dho ngʼat mofuwo hulo gik mofuwo.

Ngeche 16:10

Ruoth wuoyo kaka chik mar Nyasaye dwaro, to dhoge ok onego ndhog bura makare.

Ngeche 16:25

Nitie yo manenore ne dhano ni nikare, to gikone otero mana ngʼato e tho.

Ngeche 19:1

Ber bedo jachan ma wuodhe ok nyal cha, moloyo ngʼat mofuwo ma lewe timo richo.

Ngeche 21:26

Odiechiengʼ duto odwaro mangʼeny, to ngʼat makare chiwo maonge giko.

Isaya 1:13

Kik ukel misengini maonge tich e nyima! Tik ubanino dungʼna marach, kendo sewni mutimo ka dwe opor, gi mag Sabato kata e chokruoge duto ok amorgo.

Isaya 44:20

Ochamo buru, chunye mobam wuonde; ok onyal resore kende, kata wacho ni, “Donge gima ni e lweta korachwich ni miriambo?”

Malaki 3:14

“Usewacho kama, ‘Tiyone Nyasaye onge tiende. En ohala mane ma wayudo kuom timo dwache kendo kuom wuotho ka waywagore e nyim Jehova Nyasaye Maratego?

Mathayo 15:9

Gilama kayiem nono; to gik ma gipuonjo gin mana chike mag dhano.’ ”

Mariko 7:7

Gilama kayiem nono, to gik ma gipuonjo gin mana chike mag dhano.’

Luka 8:18

Emomiyo paruru ahinya maber kaka uwinjo. Ngʼat man-go nomedne mi nobed gi gik mogundho; to ngʼat ma ongego kata mano moparo ni en-go nomaye.”

1 Jo-Korintho 15:15

To moloyo mano, wadoko joneno mariambo kuom Nyasaye nikech wasebedo ka wanyiso ji ni Nyasaye ema ne osechiero Kristo oa kuom joma otho. To kara ne ok ochiere ka en adier ni joma otho ok chier?

1 Jo-Korintho 15:2

Injilini ema kelonu warruok, ka umako matek wach mane ayalonu mokwongo. Ka ok kamano, to kara ne uyie kayiem nono.

1 Jo-Korintho 3:18

Kik uwuondru. Ka ngʼato kuomu paro ni oriek e tiengʼni gi rieko mar pinyni, to onego olokre ngʼama ofuwo eka odok mariek.

Jo-Galatia 2:6

Ne ok adewo wach jogo mane nenore ka jotelo, nimar ne ok gimiya wach moro manyien nikech Nyasaye ok odewo nenruok ma oko mar dhano.

Jo-Galatia 2:9

Jogo mane ji oyiego kaka sirni, ma gin; Jakobo, Petro kod Johana, noriwa lwedo kaachiel gi Barnaba kane gineno ngʼwono mane omiya. Ne giyie mondo wadhi wayal ni joma ok jo-Yahudi, ka gin to gidhi ir jo-Yahudi.

Jo-Galatia 3:4

Usesandoru malich kamano mana kayiem adier, ooyo ok apar ni kamano?

Jo-Galatia 6:3

To ka ngʼato okawore moketore e duongʼ ma oongego, to ngʼatno wuondore owuon.

Jo-Efeso 4:29

Kik uyie weche maricho wuogi e dhou, to mana weche mabeyo manyalo konyo kuom gero ji kaluwore gi dwarogi mondo wecheu okony joma winjo.

Jo-Efeso 5:4

Bende, tim moro amora makwodo wich, kata wach mochido, kata angera mag oyuma ok owinjore kodu, makmana dwoko ne Nyasaye erokamano.

Rapar mar Chik 11:16

Beduru motangʼ mondo pachu kik maki gi gik ma kamago ma ulam nyiseche mamoko ka ukulorenegi.

Jo-Kolosai 4:6

Neuru ni wecheu obed mangʼwon man-gi ndhandhu kinde duto, mondo ungʼe kaka dudwoki ngʼato angʼata wach e yo mowinjore.

Jakobo 1:19

Jowetena mageno, winjuru wachni malongʼo ni: Ji duto onego bed mapiyo e winjo wach, kik urikni e wuoyo kendo kik ubed joma igi wangʼ piyo,

Jakobo 1:22

To kik uchik mana itu ni winjo wach kende, nono to uwuondoru kendu uwegi to timuru mana gima Muma puonjo.

Jakobo 2:20

In ngʼat mofuwoni idwaro mondo omed nyisi kaka yie maonge tim en gima nono?

1 Petro 3:10

Mana kaka Muma wacho niya, “Ngʼato angʼata mohero ngima kendo ni gigeno kuom ndalo mabiro mabeyo, nyaka ogengʼ lewe kik wuo marach kendo ogengʼ dhoge kuom wacho miriambo.