Jakobo 1:15 - Motingʼo Loko Manyien

¹⁵ Bangʼe ka gombo maricho osemako ich to onywolo richo; to richo kosedoko motegno to onywolo tho.

MUMA MALER 2015

¹⁵ Eka ka gombo osemako ich, to onywolo richo, to richo kosedongo mogik to kelo tho.

Jakobo 1:15 ပူးပေါင်းရင်းမြစ်များ

Chakruok 2:17

to kik icham olemb yath mamiyo ngʼato ngʼeyo ber gi rach, nimar chiengʼ ma inichame to initho.”

Chakruok 3:6

Kane dhako oneno ni olemb yien-no ne ber kuom chiemo kendo moro wangʼ kendo nyalo miyo ibed gi rieko, nokawo moko mochamo, to bangʼe nomiyo chwore ma en bende nochame.

2 Samuel 11:4

Eka Daudi nooro jaote mondo odhi okele, mi dhakono nobiro ire kendo noterore kode. Ma noyudo ka koro eka otieko kindene mar neno malo kendo nosepwodhore. Bangʼ mano Bathsheba nodok dala.

Ayub 15:35

Gin joma kelo chandruok kendo timo timbe maricho; kendo chunygi opongʼ gi miriambo kinde duto.”

Zaburi 7:14

Ngʼama iye okuot gi gik maricho kendo ma yach gi chandruok nywolo yamo nono.

Zaburi 9:17

Joma timbegi richo dok e bur matut, nyaka ogendini duto ma wigi wil gi Nyasaye.

Ngeche 11:19

Ngʼat man-gi tim makare kendo ma ja-adiera nobed mangima, to ngʼat maluwo richo dhiyo e thone.

Isaya 33:11

Ubiro mako ich to unywolo yamo; muya muyweyo en mach ma tiekou.

Isaya 59:4

Onge ngʼama dwaro tim makare; kata manyo bura miyalo gadiera. Gigeno mana kuom weche manono kendo giwacho miriambo, gimako ich mar chandruok kendo ginywolo mana richo.

Mathayo 26:14

Eka achiel kuom ji apar gariyogo, mane iluongo ni Judas Iskariot, nodhi ir jodolo madongo,

Mathayo 5:28

Anto anyisou ni ngʼato angʼata morango dhako gi gombo oseterore kode gi ei chunye.

Jakobo 1:14

makmana ngʼato ka ngʼato itemo mana ka gombone owuon maricho oywaye kendo tere e richo.

Jakobo 1:18

En ema noyiero owuon mondo onywolwa kokonyore gi wach mar adiera, mondo wabed kaka olemo mokwongo chiek e kind chwechne duto.