Jakobo 1:14 - Motingʼo Loko Manyien

¹⁴ makmana ngʼato ka ngʼato itemo mana ka gombone owuon maricho oywaye kendo tere e richo.

MUMA MALER 2015

¹⁴ To ng’ato ka ng’ato gombone owuon ema temo kendo yondho.

Jakobo 1:14 ပူးပေါင်းရင်းမြစ်များ

Chakruok 3:6

Kane dhako oneno ni olemb yien-no ne ber kuom chiemo kendo moro wangʼ kendo nyalo miyo ibed gi rieko, nokawo moko mochamo, to bangʼe nomiyo chwore ma en bende nochame.

Chakruok 6:5

Jehova Nyasaye noneno kaka richo dhano ogundho e piny kendo kaka paro duto mag chunye ne mana timo richo seche duto.

Chakruok 8:21

Jehova Nyasaye nowinjo suya madungʼ tik mangʼwe ngʼar kendo nowacho e chunye niya, “Ok anachak akwongʼ piny kendo nikech dhano, kata obedo ni paro ma aye chunye opongʼ gi richo nyaka aa e tin-ne. Bende ok anachak atiek gik mangima kendo kaka asetimoni.

2 Samuel 11:4

Eka Daudi nooro jaote mondo odhi okele, mi dhakono nobiro ire kendo noterore kode. Ma noyudo ka koro eka otieko kindene mar neno malo kendo nosepwodhore. Bangʼ mano Bathsheba nodok dala.

Ayub 31:27

mi dipo chunya nogombo lingʼ-lingʼ kendo ne atingʼonegi bada ka agombo lamogi,

Ayub 31:9

“Kapo ni chunya osegombo dhako moro, kata kapo ni asebuto karito chi ngʼato,

Ngeche 4:23

To moloyo duto, rit chunyi, nikech en e soko mar ngima.

Isaya 44:20

Ochamo buru, chunye mobam wuonde; ok onyal resore kende, kata wacho ni, “Donge gima ni e lweta korachwich ni miriambo?”

Hosea 13:9

“Osetieku yaye Israel, nikech ok udwara, ok udwar jakonyu.

Mathayo 15:18

To gik mawuok e dhok aa e chuny, kendo gin ema gimiyo ngʼato doko ‘mogak.’

Mathayo 15:20

Magi e gik mamiyo ngʼato bedo ‘mogak.’ To chiemo gi lwedo ma ok olwoki ok mi odok ‘mogak.’ ”

Mathayo 4:1

Eka Roho Maler notelo ne Yesu nyaka e thim mondo Satan oteme.

Mathayo 5:28

Anto anyisou ni ngʼato angʼata morango dhako gi gombo oseterore kode gi ei chunye.

Jo-Rumi 7:11

Nimar richo nokawo thuolo mane chik okelo, mowuonda, kendo okonyore gi chikno mondo onega.

Jo-Rumi 7:13

Dibed ni gima ber ema nomiyo atho koso? Ok kamano kata matin! Richo notiyo gi gima ber, mi onega, mondo richo ongʼere malongʼo ni en angʼo. Kamano chik nyiso ni richo en gima rach moloyo.

Jo-Efeso 4:22

Ne opuonju mondo uwe kit ngimau machon kendo ulony dhano machon makelo kethruok nikech gombo maricho mag wuond.

Jo-Hibrania 3:13

To moloyo ngʼato ka ngʼato mondo ojiw nyawadgi pile pile kapod wan gi kinde miluongo ni Kawuono, mondo kik richo gal ngʼato kuomu mi chunye bed matek.

Jakobo 1:13

To ka itemo ngʼato to kik owach niya, “Nyasaye tema.” Nikech Nyasaye ok nyal tem gi gik maricho, to en owuon bende ok otem ji

Jakobo 1:15

Bangʼe ka gombo maricho osemako ich to onywolo richo; to richo kosedoko motegno to onywolo tho.