Isaya 7:6 - Motingʼo Loko Manyien

⁶ “Wadhi mondo wamonj Juda, wakidhe matindo tindo kendo wapoge e kindwa wawegi bangʼe waket wuod Tabel obed ruodhe.”

MUMA MALER 2015

⁶ “Wamonj piny Juda mondo wakedgo, kendo kwasekawe to waket wuod Tabeel obed ruoth kuno.” ’

Isaya 7:6 ပူးပေါင်းရင်းမြစ်များ

1 Ruodhi 12:16

Kane jo-Israel duto noneno ni ruoth nodagi winjo wachgi, negidwoko ruoth niya, “Wat mane moriwowa kod Daudi, angʼo moriwowa gi wuod Jesse? Doguru e hembeu, yaye jo-Israel! Rituru dhoutu uwegi, yaye oganda Daudi!” Kuom mano jo-Israel nodok e miechgi.

2 Ruodhi 11:2

To Jehosheba nyar ruoth Jehoram ma nyamin Ahazia, nokawo Joash wuod Ahazia mopande lingʼ-lingʼ mabor kod yawuot ruoth mane koro ochiegni negi. Nyakono nokawe kaachiel gi japite mopandogi e od Athalia mar nindo, omiyo ne ok onege.

2 Weche mag Ndalo 13:8

“To koro sani ichano mondo itamri loch Jehova Nyasaye mantiere e lwet nyikwa Daudi. Adieri un kod jolweny mangʼeny kendo un kod nyiroye mag dhahabu mane Jeroboam oloso mondo obed nyisecheu.

2 Weche mag Ndalo 21:7

Kata kamano Jehova Nyasaye ne ok otieko od Daudi nikech noparo singruok mane otimo kode. Nosesingore ne Daudi gi ogandane ni ginibed e loch nyaka chiengʼ.

2 Weche mag Ndalo 28:5

Omiyo Jehova Nyasaye ma Nyasache nochiwe e lwet ruodh Aram mi jo-Aram noloye kendo nomako joge mangʼeny kaka joma otwe kendo noterogi Damaski. Bende nochiwe e lwet ruodh Israel, mane onego joge mangʼeny.

Zaburi 21:11

Kata obedo ni gichano timoni marach kendo giloso chenro maricho, to ok ginyal loyo;

Zaburi 83:3

Gichano timo ne jogi marach lingʼ-lingʼ; giloso chenro maricho ne joma chunyi ohero.

Ngeche 19:21

Dhano nigi chenro mangʼeny e chunye, to dwaro mar Jehova Nyasaye ema timore.

Isaya 7:1

E kinde mane Ahaz wuod Jotham ma wuod Uzia, ne ruodh Juda, ruoth Rezin mar Aram to gi Peka wuod Remalia ruodh Israel nomonjo Jerusalem gi lweny, to ne ok ginyal loye.

Isaya 7:5

Aram, Efraim kod wuod Remalia osechikoni obadho mondo otieki, kagiwacho niya,

Isaya 7:7

To kata kamano ma e gima Jehova Nyasaye Manyalo Gik Moko Duto owacho, “ ‘Ok giniyud thuolo, bende ok notimre,

Isaya 8:6

“Nikech jogi osedagi, pi mamol mamuol kawuok Shilo, kendo gi mor mana gi Rezin kod wuod Remalia,