Isaya 7:22 - Motingʼo Loko Manyien

²² To nikech chak mangʼeny manonyiedh kuomgi enonwangʼ mor dhiangʼ mochamo. Jogo duto manodongʼ e pinyno nocham mana mor dhiangʼ kod mor kich.

MUMA MALER 2015

²² to enocham mo nikech chak mathoth moyudo kuom jamnigo. Adier, joma odong’ e piny Juda nocham mor dhiang’ gi mor kich.

Isaya 7:22 ပူးပေါင်းရင်းမြစ်များ

Chakruok 18:8

Eka Ibrahim nokawo mo gi chak mar adila kod ring nyarwath mane osetedi maber mi oketogi e nyimgi. Kane gichiemo, Ibrahim nochungʼ butgi e tiend yath.

2 Samuel 17:29

mor kich gi chak mopoto, rombe, cha dhiangʼ mopoto mongʼin ni Daudi gi joge mondo ocham. Nimar negiwacho niya, “Jogi osebedo mool kendo riyo ohewogi e thim.”

Isaya 14:30

Joma odhier moloyo e kind jodhier noyud kuonde kwath kendo joma ochando noywe gi kwe. To kothi natiek gi kech, kendo kejno noneg joma nok modongʼ kuomi.

Isaya 17:2

Mier madongo mag Aroer nodongʼ gunda nodongʼ kar nindo jamni kendo onge ngʼama nobwog-gi.

Isaya 7:15

Obiro chamo mana mor dhiangʼ kod mor kich nyaka chop orom pogo rach gi ber.

Isaya 8:15

Ji mangʼeny kuomgi nochwanyre mi gore piny kendo tur, nochiknegi obadho ma makgi.”

Mathayo 3:4

Lep Johana nochwe gi yie ngamia, kendo notweyo kamba mar pien e nungone. Chiembe ne gin bonyo gi mor kich mag bungu.