Isaya 66:8 - Motingʼo Loko Manyien

⁸ En ngʼa mosewinjo wach machal kamano? En ngʼa moseneno gik machalo kamano? Bende piny dichwe godiechiengʼ achiel koso ogendini dichok dichiel? To mana e seche mane muoch ochako kayo Sayun ema nonywoloe nyithinde.

MUMA MALER 2015

⁸ Ooyo! Gima kamano pok owinji kata pok one. Ka kamano, to bende dichue piny moro godiechieng’ achiel? Koso oganda bende dinywol dichiel? Sayun to ne onywolo yawuote mana e sa mowinjoe muoch!

Isaya 66:8 ပူးပေါင်းရင်းမြစ်များ

Isaya 64:4

nyaka aa nene onge ngʼama osewinjo, kendo onge it mosewinjo, bende onge wangʼ moseneno Nyasaye moro amora ma ok in, moserito joge mogeno kuome.

Jeremia 18:13

Emomiyo ma e gima Jehova Nyasaye wacho: “Penjieuru ogendini: En ngʼa mosewinjo gima chalo kama? Gima lich mokadho osetim gi Nyako Ngili ma en Israel.

Tich Joote 2:41

Joma norwako weche Petro ne obatisi, kendo chiengʼno ji alufu adek nomedore e kwan mar joma oyie kuom Kristo.

Tich Joote 21:20

Kane giwinjo mano, negipako Nyasaye, eka giwacho ni Paulo niya, “Owadwa Paulo, inyalo neno kaka jo-Yahudi gana gi gana oseyie kuom Ruoth Yesu, kendo kargi giduto giketo chunygi kuom luwo Chik.

Tich Joote 4:4

Ji mangʼeny mane owinjo puonj jootego noyie, kendo kar romb chwo mane oyie nomedore moromo chwo alufu abich.

1 Jo-Korintho 2:9

To en mana kaka ondiki niya, “Onge wangʼ moseneno, kata it mosewinjo, kata paro mosengʼeyo gima Nyasaye oseiko ne joma ohere.”