Isaya 64:3 - Motingʼo Loko Manyien

³ Nimar kane itimo gik madongo mane ok wapar, ne ilor piny ma gode ne oyiengni e nyimi,

MUMA MALER 2015

³ Kane itimo honni mane ok wagen ni wanane, ne ilor piny, mi gode oleny e nyimi.

Isaya 64:3 ပူးပေါင်းရင်းမြစ်များ

2 Samuel 7:23

Ere oganda machal gi jogi Israel? Bende nitiere oganda moro e piny mane Nyasaye osedhi moreso mondo obed joge owuon kendo mosemiyogo nyinge ongʼere mi otimogo honni madongo kendo malich koriembo ogendini gi nyisechegi ka gia e nyim joge, mane oreso kogolo Misri?

Zaburi 106:22

Nyasaye mane osetimo honni e piny Ham kod timbe miwuoro e dho Nam Makwar.

Zaburi 66:3

Wachne Nyasaye niya, “Mano kaka timbe mitimo dongo! Tekoni duongʼ manade, mamiyo wasiki duto leny nono koneni.

Zaburi 66:5

Biuru uneye gik ma Nyasaye osetimo; bi uneye kaka gik motimo ne dhano dongo!

Zaburi 68:8

piny noyiengni kendo polo noolo koth e piny, e nyim Nyasaye, Jal man Sinai, e nyim Nyasaye ma Nyasach Israel.

Zaburi 76:12

Ochodo chuny jotelo, kendo ruodhi duto mag piny oluore.

Wuok 34:10

Eka Jehova Nyasaye nowacho niya, “Atimo kodi singruok. E nyim jogi duto abiro timo honni madongo mapok otimie oganda moro amora e piny. Jogo mudak e kindgi biro neno kaka timbe ma an Jehova Nyasaye abiro timo dongo.

Isaya 5:25

Kuom mano Jehova Nyasaye osekecho gi joge; kendo oserieyo bade kuomgi monegogi. Gode yiengni kendo ringre joma otho odhurore e wangʼ yore ka yugi. To kata bed ni magi duto osetimore, to mirimbe pod ok okwe, nimar pod okecho kodgi.

Isaya 64:1

Mad ibar polo mondo ilor piny, mondo gode otetni e nyimi,

Habakuk 3:3

Nyasaye nobiro koa Teman, Nyasaye Maler moa e got mar Paran. Sela Duongʼne noumo polo, kendo pakne nopongʼo piny.

Habakuk 3:6

Ne ochungʼ kendo noyiengo piny, ne ongʼicho mi ogendini otetni. Gode machon nomukore kendo gode matindo manyaka nene bende nopodho. Yorene osiko manyaka chiengʼ.

Rapar mar Chik 10:21

En ema nyaka umiye pak, nimar en Nyasachu ma osetimo timbe madongo kendo malich ma useneno gi wengeu.

Rapar mar Chik 4:34

Bende nitiere nyasaye moro mosegolo oganda kuom oganda machielo moselok wasumbini? Koso bende nitiere moro mosetemo timo timbe madongogi gi ranyisi, honni gi lweny kendo gi teko maduongʼ kod bat morie kaka Jehova Nyasaye notimonu e piny Misri e wangʼu kuneno.