Isaya 60:10 - Motingʼo Loko Manyien

¹⁰ Jopinje mamoko nochak oger ohinga maru kendo ruodhigi nobed jotichu. Kata obedo nine akumogi gi mirima, to kuom ngʼwonona koro abiro nyiso kechna mangʼeny.

MUMA MALER 2015

¹⁰ A Jerusalem, jopinje mamoko ok nochak oger ohinga mari, kendo ruodhigi nobed jotichni. Kata obedo ni ne asandi malit ka an gi mirima kamano, to koro asekechi, kendo ang’wononi.

Isaya 60:10 ပူးပေါင်းရင်းမြစ်များ

Zaburi 102:13

Ibiro aa malo mi ikech Sayun, nimar sa osechopo monego ongʼwonee; sa mochanne osechopo.

Zaburi 30:5

Nikech mirimbe bedo mana kuom kinde matin kende, to ngʼwonone osiko nyaka chiengʼ; ywak nyalo bedo gotieno to mor biro mana gokinyi.

Isaya 12:1

E kindeno iniwach niya, “Anapaki, yaye Jehova Nyasaye. Kata obedo ni mirima nomaki koda to mirimbino, koro oserumo kendo isekweyo chunya.

Isaya 49:23

Ruodhi ema nobed kaka wuoneu kendo mond ruodhi ema nobed kaka mineu ma ritou. Ginikulre auma e nyimu ka wengegi ngʼiyo piny; kendo gininangʼ buru manie tiendu. Eka unungʼe ni An e Jehova Nyasaye kendo joma oketo genogi kuoma ok noyud wichkuot.”

Isaya 56:6

Kendo jopinje mamoko mane oseyie kuom Jehova Nyasaye katiyone kohero nyinge, kendo kalame, jogo duto marito chiengʼ Sabato ma ok odwanye kendo morito singruokna,

Isaya 60:3

Ogendini nobi, e lerni, kendo ruodhi nobi koneno lerni mar okinyi.

Isaya 61:2

Bende oseora mondo aland ni ma e higa mar ngʼwono mar Jehova Nyasaye, kendo chiengʼ ma Nyasachwa biro chuloe kuor, kohoyo ji duto manie kuyo,

Isaya 61:5

Jodak nobed jokwadh jambu, jopinje mamoko nopurnu puotheu mag cham, kod mago mag mzabibu.

Isaya 64:9

Yaye Jehova Nyasaye, kik ibed gi mirima mokadho apima, kik ipar richowa ndalo duto. Yaye Jehova Nyasaye, wakwayi, yie irangwa, nimar wan duto wan jogi.

Isaya 66:21

Kendo moko kuomgi bende nayier mondo obed jodolo kod jo-Lawi,” Jehova Nyasaye owacho.

Joel 2:18

Eka Jehova Nyasaye nyiego nomaki nikech pinye kendo nokech joge.

Zekaria 6:15

Kendo joma ni mabor nobi mi gedi e hekalu mar Jehova Nyasaye, kendo iningʼe ni Jehova Nyasaye Maratego ema oseora iri. To mano notimre mana ka uyie winjo wach Jehova Nyasaye ma Nyasachi.”

Fweny 21:24

Ogendini nowuothi e lerne, kendo ruodhi mag pinje nokel duongʼ-gi e iye.

Fweny 21:26

Duongʼ gi mwandu mag ogendini mag pinje nokel e iye.