Isaya 57:21 - Motingʼo Loko Manyien

²¹ Nyasacha wacho niya, “Onge kwe ne joricho.”

MUMA MALER 2015

²¹ An Nyasaye awacho niya, “Joricho onge gi kue.”

Isaya 57:21 ပူးပေါင်းရင်းမြစ်များ

2 Ruodhi 9:22

Kane Joram oneno Jehu nopenje niya, “Ibiro e yor kwe koso?” Jehu nodwoke niya, “Ere kaka kwe nyalo betie kapod Jezebel minu dhi nyime gi lamo nyiseche manono kod timo timbe jwok?”

Isaya 3:11

Yaye, mano kaka nobed malit ne joricho nikech masira nobed kuomgi. Enokumgi kuom gik maricho ma lwetgi osetimo.

Isaya 48:22

Jehova Nyasaye owacho niya, “Jaricho to onge gi kwe.”

Isaya 49:4

To ne awacho ni, “Asetiyo matek kayiem nono; aseketho tekra kayiem nono. Kata kamano pokna ni e lwet Jehova Nyasaye kendo michna Nyasacha ema nigo.”

Isaya 59:8

Ok gingʼeyo yo makelo kwe, onge tim makare e yoregi. Giseloko yorego obedo yore mogondore ogondore, kendo ngʼato angʼata mawuotho e yorego ok noyud kwe.

Ezekiel 13:16

ma gin jokor wach mag Israel mane okoro wach ni jo-Jerusalem kendo mane nenone fweny mag kwe, ka kwe mane ginenono to ne onge, Jehova Nyasaye Manyalo Gik Moko Duto osewacho.” ’