Isaya 51:15 - Motingʼo Loko Manyien

¹⁵ Nimar an Jehova Nyasaye ma Nyasachi mamiyo Nam gingore mi apaka wuo, Jehova Nyasaye Maratego e nyinge.

MUMA MALER 2015

¹⁵ An e Ruoth Nyasaye ma Nyasachu, mamiyo nam gingore, mi apaka wuo. Nyinga en Ruoth Nyasaye Manyalo Gik Moko Duto.

Isaya 51:15 ပူးပေါင်းရင်းမြစ်များ

Nehemia 9:11

Ne ibaro nam makwar ka gineno, mondo ne mi gikal kama otwo, makmana jogo mane lawogi ne inyumo e bwo nam, mana kaka kidi modir e ataro mar pi.

Ayub 26:12

Ne ochoko pige mag nam gi tekre owuon; kendo kuom riekone ne otieko Rahab.

Zaburi 107:25

Nimar ne owuoyo, mi notugo ahiti mangʼongo ma nomiyo apaka ogingore.

Zaburi 136:13

ne En mane obaro Nam Makwar diere ariyo; Herane osiko nyaka chiengʼ.

Zaburi 74:13

In ema ne ipogo nam e diere ariyo gi tekoni, kendo ne itoyo wiye ondiek marach ei pi.

Wuok 6:7

Abiro kawou kaka joga awuon, bende abiro bedo Nyasachu eka ubiro ngʼeyo ni An e Jehova Nyasaye ma Nyasachu, manogolou ka uwuok e bwo tich matek mar jo-Misri.

Isaya 47:4

Jareswa, Jehova Nyasaye Maratego e nyinge, en e Jal Maler mar Israel.

Isaya 48:2

un muluongoru ni weg dala maduongʼ maler kendo moketo genogi kuom Nyasach Israel, Jehova Nyasaye Maratego, e nyinge:

Isaya 51:10

Donge in ema nomiyo nam oduono, ma gin pige mano chokore kuonde matut, kendo niloso yo e kind nam matut mondo joma ne ireso ongʼadi kadhi loka cha?

Isaya 54:5

Nimar Jachwechni e chwori, Jehova Nyasaye Maratego e nyinge midendego, Jal Maler mar Israel e Jaresni; iluonge ni Nyasach piny ngima.

Jeremia 10:16

Jalno ma en Pok mar Jakobo ok chal kodgi, nimar en e Jachwech mar gik moko duto, nyaka Israel, ma en dhood girkeni mare, Jehova Nyasaye Maratego e nyinge.

Jeremia 31:35

Ma e gima Jehova Nyasaye wacho, ngʼatno mayiero chiengʼ mondo orieny godiechiengʼ, machiko dwe gi sulwe mondo orieny gotieno, mamiyo apaka mag nam ruto, Jehova Nyasaye Maratego e nyinge:

Jeremia 51:5

Nimar Israel gi Juda pod ok ojwangʼgi Nyasachgi, Jehova Nyasaye Maratego, kata obedo ni pinygi opongʼ gi ketho e nyim Jalno Maler mar Israel.

Tim jo-Lawi 11:44

An Jehova Nyasaye ma Nyasachu, kuom mano pwodhreuru kendo ubed jomaler, nikech an aler. Kik uchidru gi gimoro amora mamol kata malak e lowo.