Isaya 5:27 - Motingʼo Loko Manyien

²⁷ Onge kata mana ngʼato achiel kuomgi ma ol kata machwanyore, bende onge kata ngʼato achiel kuomgi ma nindo tero, bende onge moro ma okanda ombekni e nungone kata ma tond wuochene ochot.

MUMA MALER 2015

²⁷ ma onge ng’ama ol kuomgi kata ma chwanyore, kendo ma onge ng’ama nur kata ma nindo. Bende onge ng’ama okandane ombekni e nungone kata ma tond wuochene ochot.

Isaya 5:27 ပူးပေါင်းရင်းမြစ်များ

1 Ruodhi 2:5

Koro in iwuon ingʼeyo gima Joab wuod Zeruya notimona, gima notimo ni jotend lweny ariyo mag Israel, Abner wuod Ner gi Amasa wuod Jetha. Ne onegogi, kochwero rembgi e ndalo kwe mana ka ndalo mag lweny kendo remono nomienogo okandane mane otweyo e nungone kod wuochene manie tiendene.

Ayub 12:18

Ogolo oko osimbo ma ruodhi orwako kendo otweyo pien gugru e nungogi.

Ayub 12:21

Ochayo ruodhi kendo omayo roteke gigegi mag lweny.

Zaburi 18:32

Nyasaye ema miya teko kendo omiyo yora bedo mokwe.

Zaburi 93:1

Jehova Nyasaye olocho kendo orwakore gi duongʼ, Jehova Nyasaye orwakore gi duongʼ, kendo omanore gi teko. Piny ochungʼ mongirore; onge ngʼama nyalo yienge.

Ngeche 3:23

Eka ibiro dhi e yoreni gi kwe kendo tiendi ok nochwanyre;

Isaya 11:5

Tim makare nobed okanda mare kendo adiera nobed misip motweyo e nungone.

Isaya 45:1

Ma e gima Jehova Nyasaye wachone Sairas, ngʼate moseyiero niya, “Asemako lweti ma korachwich, mondo ilo ogendini manie nyimi, kendo iketh teko mag ruodhi gigegi mag lweny, mondo iyaw dhoudi e nyime maonge dhorangeye mibiro lor.

Isaya 45:5

An e Jehova Nyasaye, kendo moro onge; onge Nyasaye moro makmana an. Anamiyi teko, kata obedo ni pok iyanga kamano,

Daniel 5:6

Lela wangʼ ruoth nojowore, kendo nobwok matek, mi chongene notuomore, kendo fuond embene nonyosore.

Mathayo 3:4

Lep Johana nochwe gi yie ngamia, kendo notweyo kamba mar pien e nungone. Chiembe ne gin bonyo gi mor kich mag bungu.

Rapar mar Chik 32:25

Kihondko kod kibaji nogogi e miechgi; to liganglana notiek nyithindgi e yore. Yawuowi gi nyiri biro tho, kaachiel gi nyithindo ma pod yom kod jodongo moti.