Isaya 5:19 - Motingʼo Loko Manyien

¹⁹ kod joma wacho ni joga niya, “Nyasaye mondo oreti, kendo otim gima odwaro timo, mondo wanene. We gima Jal Maler mar Israel dwaro timo otimre mondo wangʼeye.”

MUMA MALER 2015

¹⁹ Uwacho niya, “Ruoth Nyasaye mondo oreti, otim tichne piyopiyo wane! Adier, gima Ng’ama Ler mar Israel ochano timo, mondo ochop piyopiyo waneye!”

Isaya 5:19 ပူးပေါင်းရင်းမြစ်များ

Isaya 30:11

Weuru yorni, wuoguru e ndarani kendo we bwogowa gi Jal Maler mar Israel.

Isaya 66:5

Winjuru wach Jehova Nyasaye, un jogo matetni kuwinjo dwonde: “Oweteni mochai kendo ok kwani ka gimoro nikech ihero nyinga osewacho niya, ‘Mad Jehova Nyasaye mi duongʼ, mondo omi wane morni!’ Kata kamano gin giwegi ema ginine wichkuot.

Jeremia 17:15

Gisiko ka giwachona ni, “Ere wach Jehova Nyasaye? Dak otimre sani!”

Jeremia 23:18

To en ngʼa kuomgi mosechungoe kar ngʼado bura mar Jehova Nyasaye, mondo one kata owinji wachne?

Jeremia 23:36

To kik ichak iwach kendo ni, ‘wach mar Jehova Nyasaye,’ nikech wach ngʼato ka ngʼato owuon ema bedone wach maber bangʼe ijaro weche Nyasaye mangima, Jehova Nyasaye Maratego ma Nyasachwa.

Jeremia 36:23

Ka Jehudi nosesomo laini adek kata angʼwen mar kitabuno, ruoth nongʼadogi gi pala mabith kendo owitogi e kar hoyo mach, nyaka kitabuno duto nowangʼ e mach.

Ezekiel 12:22

“Wuod dhano, ma en ngero manade ma ugoyo e piny Israel ni, ‘Ndalo dhi adhiya, to pok wasenene fweny moro amora kotimore?’

Ezekiel 12:27

Wuod dhano, dhood Israel wacho ni, Fweny moneno gin mag higni mathoth ma pod biro nyime, kendo okoro weche mag higni manyime.

Hosea 10:3

Eka giniwachi, “Waonge ruoth nikech watamore miyo Jehova Nyasaye luor. To kata kane wan gi ruoth, to dotimonwa angʼo?”

Malaki 2:17

Uolo Jehova Nyasaye gi wecheu. To upenjo niya, “Ere kaka wechewa oole?” Uole kuom wacho niya, “Joma timo marach gin joma beyo e nyim wangʼ Jehova Nyasaye, kendo omor kodgi,” kata uwacho niya, “Ere Nyasaye mangʼado bura makare?”