Isaya 48:10 - Motingʼo Loko Manyien

¹⁰ Asepwodhou, to ok kaka ipwodho fedha, kendo asetemou gi masira mager ka mach.

MUMA MALER 2015

¹⁰ Asepwodhou, to ok kaka ipwodho fedha e mach.

Isaya 48:10 ပူးပေါင်းရင်းမြစ်များ

1 Ruodhi 8:51

Nimar gin jogi kendo mwanduni mane igolo e piny Misri, kigologi kama mae kakni ka kama ithedhe nyinyo.

Ayub 23:10

To ongʼeyo yora maluwo; bangʼ tema to abiro wuok aa e tem ka achalo dhahabu.

Ayub 28:1

“Nitie kama ikunyoe fedha kod kama ilenyoe dhahabu.

Zaburi 66:10

Yaye Nyasaye ne itemowa ni in iwuon; ne ipwodhowa ka fedha.

Ngeche 17:3

Dhahabu gi fedha itemo gi mach, to Jehova Nyasaye ema temo chuny.

Isaya 27:9

Kuom ma, richo mar Jakobo nopwodhi, kendo ma ema nobed ranyisi mar golo richone duto: Komiyo kite duto milosogo kar kendo mar misango chalo mana gi matafare motore matindo tindo, bende onge sirni mag Ashera kata kendo miwangʼoe ubani mane odongʼ kochungʼ.

Jeremia 11:4

chike mane amiyo kwereu kane agologi Misri, e kendo maliet makakni mach.’ Ne awacho ni, ‘Luora kendo itim gigo duto machikou to unubed joga, an bende nabed Nyasachu.

Jeremia 9:7

Emomiyo ma e gima Jehova Nyasaye Maratego wacho: “Ne, abiro pwodhogi kendo temogi, nimar en angʼo machielo manyalo timo, nikech richo mar joga?

Ezekiel 20:38

Abiro pogou gi joma osiko kedo koda kendo ngʼanyona, kata obedo ni abiro gologi oko e piny ma gidake sani, to ok ginidonj e piny Israel. Eka unungʼe ni An e Jehova Nyasaye.

Rapar mar Chik 4:20

To un, Jehova Nyasaye noresou mogolou e mach mager kuwuok e piny Misri mondo ubed kaka girkeni mare nyaka chiengʼ, mana kaka un sani.

1 Petro 1:7

Gik makamagi osetimorenu mondo one ane ka un gi yie mar adier. To Kata mana dhahabu manyalo kethore bende ipwodho gi mach. Omiyo yie maru ma nengone tek moloyo dhahabu, nyaka tem mondo ongʼego ka en yie mar adier. Eka unuyud pak kod gi duongʼ kod luor, chiengʼ ma Yesu Kristo ofwenyore.

1 Petro 4:12

Osiepena mahero, kik uluor ka uyudo sand mawangʼou ka mach kuparo ni gimoro magalagala ema timorenu.

Fweny 3:19

Joma ahero ema akwero kendo akumo. Omiyo bed ja-adiera kendo ilok chunyi iwe timo richo.