Isaya 43:25 - Motingʼo Loko Manyien

²⁵ “An kende e jal magolo richou duto kendo ok achak apargi nikech mano e gima ahero timo.

MUMA MALER 2015

²⁵ An kende e jal ma rucho richou oko, mi ok chak par kendo, nikech mano e gima ahero timo.

Isaya 43:25 ပူးပေါင်းရင်းမြစ်များ

2 Weche mag Ndalo 6:21

Winji lamo mar jatichni kaachiel gi jogi Israel ka gilamo ka gichomo odni. Winji gi e polo kar dakni kendo kiwinjo to iwenwa richowa.

Zaburi 103:12

mana kaka wuok chiengʼ bor gi podho chiengʼ, e kaka osepogowa mabor gi kethowa.

Zaburi 103:3

en ema oweyoni richoni duto kendo ochango tuocheni duto,

Zaburi 25:11

Wena richona nikech nyingi kata obedo ni richona duongʼ ahinya, yaye Jehova Nyasaye,

Zaburi 25:7

Kik ipar richo mane atimo kapod an rawere kod yorena mobam; para kaluwore gi herani, nikech iber, yaye Jehova Nyasaye.

Zaburi 51:3

Nikech angʼeyo kethona duto kendo richona osiko e nyima.

Zaburi 51:4

In iwuon ema asekethoni kendo asetimo richo e nyim wangʼi, mano omiyo in kare ka iwuoyo kendo iwacho adiera ka ingʼadona bura.

Zaburi 51:9

Pand wangʼi mondo kik ine richona kendo gol kethona duto oko.

Isaya 1:18

Jehova Nyasaye wacho niya, “Biuru machiegni mondo wapor wach, kata obedo ni richou kwar manade to ibiro luoki magibed matar ka pe, bende kata bed ni gikwar malich to nobed marachar ka pamba.

Isaya 37:35

“Abiro kedone dala maduongʼni kendo rese, nikech nyinga kod nying Daudi jatichna!”

Isaya 38:17

Chutho chandruok duto maseyudo okelona mana kony. Nikech herani mogundho iseresa e kethruok; bende isewito richona duto kadiengʼeyi.

Isaya 43:11

An e Jehova Nyasaye adier, kendo onge jawar moro machielo makmana an.

Isaya 44:22

Asekeyo timbeni manono mana ka boche polo, kendo aserucho richogi modwono mana kongʼwengʼo. Duog ira, nimar aseresi.”

Isaya 48:11

Asetimo kamano kuom rito nyinga, mana kuom rito nyinga awuon, emomiyo asetimo ma. Ere kaka dayie mondo nyinga oyany? Ok ayie mondo duongʼ ma imiya, omi ngʼato machielo.”

Isaya 55:7

Ngʼama timbene achach mondo owe yorene, kendo ngʼama parone opongʼ gi timbe richo mondo owe. Onego oduog ir Jehova Nyasaye, kendo enobed gi ngʼwono kuome mi enowene richone.

Isaya 64:8

Kata kamano, yaye Jehova Nyasaye, in e Wuonwa. Wan e lop chwech, to ine jachwechwa; kendo wan duto wan tich lweti.

Isaya 64:9

Yaye Jehova Nyasaye, kik ibed gi mirima mokadho apima, kik ipar richowa ndalo duto. Yaye Jehova Nyasaye, wakwayi, yie irangwa, nimar wan duto wan jogi.

Jeremia 31:34

Koro ngʼato ok nochak opuonj jabathe, kata nyawadgi kowacho ni, ‘Ngʼe Jehova Nyasaye,’ nikech giduto giningʼeya, kochakore ngʼat matinie moloyo nyaka ngʼat maduongʼie moloyo,” Jehova Nyasaye owacho. “Nimar anawenegi timbegi maricho kendo ok anachak apar richogi kendo.”

Jeremia 50:20

Jehova Nyasaye wacho niya, “E ndalogo, e sechego, nomany ketho Israel, to onge manoyudi, kendo ne richo Juda, to onge manoyudi, nimar anangʼwon-ne jogo mane odongʼ mane aweyo.”

Ezekiel 18:22

Ok nokwane jaketho kuom richo duto mosetimo. Nikech gik makare mosetimo, obiro bedo mangima.

Ezekiel 20:14

To nikech nyinga, ne atimo gimane nyalo miyo kik yanye e nyim ogendini mane oneno ka agologi e diergi.

Ezekiel 20:22

To ne angʼwononegi ma ok atimo kamano mondo nyinga kik kethre e kind ogendini mane oneno kagolo jo-Israel e piny Misri.

Ezekiel 20:9

To nikech nyinga, ne atimo gima ne nyalo miyo kik yanye e nyim ogendini mane gidak e diergi, kendo mane ongʼeyo ni ne asefwenyora ni jo-Israel kane agologi e piny Misri.

Ezekiel 33:16

Onge richo moro amora mosetimo ma nopar mi kwan e wiye. Osetimo gima adier kendo makare, obiro bedo mangima adier.

Ezekiel 36:22

“Emomiyo wachne dhood Israel ni, ‘Ma e gima Jehova Nyasaye Manyalo Gik Moko Duto wacho: Ok abi timo gigo nikech un, yaye dhood Israel, to abiro timogi nikech nyinga maler, ma usedwanyo e dier ogendini kuonde duto musedhiyoe.

Ezekiel 36:32

Adwaro ni ungʼe ni gigi duto ok atim nikech un, Jehova Nyasaye Manyalo Gik Moko Duto osewacho. Yaye dhood Israel, neuru wichkuot kuom timbeu mamono!

Mariko 2:7

“Ngʼatni wuoyo nade? Oyanyo Nyasaye! Ere ngʼat manyalo weyone ngʼato richone makmana Nyasaye kende?”

Luka 5:21

Jo-Farisai gi jopuonj Chik nochako paro kendgi giwegi niya, “Mae to en ngʼa ma yanyo Nyasaye? Ere ngʼat manyalo weyone ngʼato richone makmana Nyasaye kende?”

Tich Joote 3:19

Koro lokreuru uwe richou, udog ir Nyasaye, mondo richou owenu, eka Ruoth noduog chunyu mi uyud kwe,

Jo-Rumi 5:20

To Chik nomedi mondo richo omedre. To kama richo nomedoree, ngʼwono nomedoree moloyo,

Jo-Efeso 1:6

Notimo kamano mondo ngʼwonone man-gi duongʼ mane ochiwo nono oyud pak, ma osemiyowa nono kuom Wuode mohero.

Jo-Efeso 1:8

Mano kaka mich ma Nyasaye oseolo kuomwa kuom ngʼwonone ogundho.

Jo-Hibrania 10:17

Ruoth medo wacho niya, “Richogi kod timbegi mamono ok anachak apar kendo.”

Jo-Hibrania 8:12

Nimar anawenegi timbegi maricho, kendo ok anachak apar richogi kendo.”