Isaya 42:12 - Motingʼo Loko Manyien

¹² Weuru gimi nying Jehova Nyasaye duongʼ kendo giland pakne e pinje manie chula.

MUMA MALER 2015

¹² Un duto mudak e dhonembe gi chulni, pakeuru. Kamano ji duto mondo omi Ruoth Nyasaye duong’.

Isaya 42:12 ပူးပေါင်းရင်းမြစ်များ

Zaburi 22:27

Tunge piny duto biro paro miduog ir Jehova Nyasaye, kendo dhout ogendini duto biro kulore e nyime,

Zaburi 66:2

Wer kipako duongʼ mar nyinge; mi pakne obed gi duongʼ!

Zaburi 97:1

Jehova Nyasaye e Ruoth, omiyo piny mondo obed mamor; dho nembe man mabor mondo obed moil.

Isaya 12:4

E kindeno iniwach niya, “Gone Jehova Nyasaye erokamano, luong nyinge kendo landuru ni ji duto gik ma osetimo, ka uhulo ni nyinge nigi duongʼ moloyo.

Isaya 42:4

ok nochwanyre kata chunye bende ok nonyosre, nyaka okel adiera e piny duto. Pinje duto manie chula mag dier nam biro keto genogi kuom chikene.”

Isaya 43:21

gin ji mane achweyo ne an awuon, mondo omi gipaka.

1 Samuel 6:5

Losuru gik machal gi buche kod machal gi oyieyo maketho pinyu, kendo miuru Nyasach jo-Israel duongʼ. Dipo ka ongʼwononu moweyo sandou kaachiel gi nyisecheu gi pinyu.