Isaya 40:7 - Motingʼo Loko Manyien

⁷ Lum ner kendo maua tuo mi lwar piny ka much Jehova Nyasaye okudhogi. Chutho dhano chalo mana gi lum.

MUMA MALER 2015

⁷ Lum ner, kendo maua two, ka much Ruoth Nyasaye okudhogi. Chutho, dhano chalo gi lum.

Isaya 40:7 ပူးပေါင်းရင်းမြစ်များ

Ayub 14:2

Odongo piyo piyo ka maua bangʼe to oner; mana ka tipo makadho ma ok siki.

Ayub 4:9

Itiekogi apoya nono gi much Nyasaye; kendo sa ma mirimbe obiro to gilal nono.

Ayub 41:21

Muche moko mach maliel, kendo legek mach makakni wuok e dhoge.

Zaburi 102:4

Chunya orewore kendo oner ka lum; wiya wil kata mana gi chamo chiemba.

Zaburi 103:15

Dhano to ndalone chalo gi lum, oloth piyo ka maua mopidhi;

Zaburi 103:16

to ka yamo okudhe matin nono to kare orumo, kendo ok chak pare.

Zaburi 90:5

Iywoyo dhano ilalgo nono ka nindo mar tho terogi; gichalo gi lum mangʼich mar okinyi,

Zaburi 90:6

ma kata obedo ni loth ka ngʼich gokinyi to godhiambo to ner kendo two.

Isaya 11:4

to gi adiera nongʼad bura ne joma odhier, kendo kuom bura makare enongʼad wach, mowinjore ni joma ochando manie piny. Dhoge ema nobed luth mogoyogo piny, bende wach moa e dhoge ema noneg-go joma timbegi mono.

Isaya 37:27

Joge teko orumonegi, mi gibuok kendo gidongʼ gi wichkuot. Gichalo gi cham manie puodho, kata ka maua mangʼich mathiewo, kata ka lum madongo ewi tado, to ner kapok odongo.

Isaya 40:24

Ka okudhogi gi muche to giner mi kalausi dhi kodgi ka mihudhwe, nikech gichalo gi kodhi mokom machiegni, ma tiendgi pok ochwowo lowo.

Isaya 51:12

“An, kendo en An e Jal mahoyo chunyu. Angʼo momiyo uluoro yawuot dhano adhana matho, kendo maner mana ka lum,

Hagai 1:9

“Usegombo yudo mangʼeny, to osetamore ma uyudo mana matin; to kata mana mano mago ma usechoko mukeloe dala, abiro kudho oko. Mani notimore nikech angʼo?” Jehova Nyasaye Maratego penjo. “Nikech hekaluna ma uweyo odongʼ gunda, ka un uwegi to uringo kudhi e uteu molos mabeyo.

Jakobo 1:10

To ngʼat man-gi mwandu bende onego bed mamor ka Nyasaye odwoke piny, nikech ja-mwandu biro lal nono mana ka maua moti e thim.

Jakobo 1:11

Nikech ka chiengʼ rieny maliet to owangʼo maua kod thiepene kendo gilwar piny kendo berne rumo. Kamano bende e kaka ja-mwandu biro lal nono, kata mana kotiyo tijene.