Isaya 40:12 - Motingʼo Loko Manyien

¹² En ngʼa mosepimo pi e chuny lwete kata mana pimo lach mar polo gi lwete? En ngʼa ma osechoko buru manie piny e atonga, kata pimo gode madongo gi matindo e rapim?

MUMA MALER 2015

¹² En ng’a mane opimo pi nembe e chuny lwete, kata mane opimo duong’ mar polo gi lith lwete? En ng’a mane opimo lowo duto manie piny, kata mane opimo gode madongo gi matindo e ratil mak mana Ruoth Nyasaye?

Isaya 40:12 ပူးပေါင်းရင်းမြစ်များ

Ayub 28:25

Kane oguro teko mar yamo kendo opimo giko nembe,

Ngeche 30:4

En ngʼa mosedhi e polo kendo olor piny? En ngʼa mosechoko yamo moketo ei lwete? En ngʼa mosechoko pi gi lawe kata mosepimo giko mar tungʼ piny? Nyinge to en ngʼa, koso wuode to nyinge ngʼa? Nyisa ane ka ingʼeyo!

Isaya 48:13

Lweta owuon ema ne oketo mise mar piny kendo lweta ma korachwich ema ne oyaro polo, ka aluongogi to giwuok kadiemo wangʼ.

Jeremia 31:37

Ma e gima Jehova Nyasaye wacho: “Kane ni polo malo inyalo pim kendo mise mar piny inyalo many, eka anakwed nyikwa Israel nikech gigo duto magisetimo,” Jehova Nyasaye wacho.

Amos 4:13

Jal mane ochweyo gode bende ema nochweyo yamo, onyiso dhano parone, bende en ema oloko ler mar odiechiengʼ bedo mudho, en e ruodh piny duto; nyinge en Jehova Nyasaye, ma Nyasaye Maratego.

Fweny 20:11

Eka naneno kom mar loch maduongʼ marachar kaachiel gi jal manobedo e komno. Piny gi polo noringo oa e nyime mi olal nono ma ok nonegi kendo.