Isaya 38:12 - Motingʼo Loko Manyien

¹² Osepudh oda mi owit mabor mana kaka igolo kiru mar jakwath. Ngimana osengʼad machiek mana kaka jatwengʼo dolo usi mabed machiek kendo asandora pile ka pile, odiechiengʼ kod otieno.

MUMA MALER 2015

¹² Osepudh oda, mi owit kucha, mana kaka ipudho kiru mar jakwath. A Ruoth Nyasaye, iseng’ado ngimana machiek mana kaka jatueng’o dolo usi, kendo ng’ado. Isanda, chakre okinyi nyaka odhiambo,

Isaya 38:12 ပူးပေါင်းရင်းမြစ်များ

Ayub 14:2

Odongo piyo piyo ka maua bangʼe to oner; mana ka tipo makadho ma ok siki.

Ayub 17:1

Chunya onyosore, ndalona ongʼad machiek, kendo thona ema chiegni koda.

Ayub 4:20

Chakre kogwen nyaka odhiambo inyalo turgi matindo tindo ka ok ongʼeyo, kendo gilal nyaka chiengʼ.

Ayub 6:9

kendo oyie otoya matindo tindo mi onega chuth.

Zaburi 102:11

Ndalona chalo gi tipo modhiambo; aner adwaro two ka lum.

Zaburi 119:23

Kata obedo ni jotelo chokorena kendo giyanya, to jatichni pod biro mana paro matut kuom chikeni.

Zaburi 31:22

Kane chandruok omaka to ne awacho ni, “Opoga kodi!” Kata kamano ne iwinja ka aywakni mondo ikecha kane aluongi mondo ikonya.

Zaburi 73:14

Nimar asiko achandora seche duto, kendo ayudo kum okinyi kokinyi.

Zaburi 90:5

Iywoyo dhano ilalgo nono ka nindo mar tho terogi; gichalo gi lum mangʼich mar okinyi,

Isaya 1:8

Nyar Sayun odongʼ ka kiru manie e puoth mzabibu, kata ka abila e puoth budho kendo ka dala maduongʼ ma wasigu omonjo.

Isaya 13:20

Onge ngʼat manochak obedi e iye kata dak kuno e tienge duto mabiro; onge ja-Arabu moro manodag kuno; bende onge jakwath mano kwa jambe kanyo.

2 Jo-Korintho 5:1

Nikech wangʼeyo ni ka kiru mwadakieni okethi, to wan gi ot ma Nyasaye osegeronwa e polo, ma en ot mosiko, ma lwet dhano ok ogero.

2 Jo-Korintho 5:4

Nikech kapod wadak e kiruni, to wachur gi pek modiyowa, to mano ok onyiso ni wadwaro weyo ringruok mawan-goni, to wagombo rwakore gi ringruok manyien mar polo, mondo gima ok tho omwony mano matho.

Jo-Hibrania 1:12

Iniban-gi giduto mana kaka ibano kandho, kendo inilokgi mana kaka iloko nanga. In to isiko ichalri mana kaka in, kendo hiki ok norum.”

Jakobo 4:14

Ere kaka uwuoyo kamano to ukia gima kiny notimre. Uparo ni ngimau en angʼo? Ngimau chalo mana ka ongʼwengʼo mineno sa matin kende to bangʼe lal nono.