Isaya 37:28 - Motingʼo Loko Manyien

²⁸ “To angʼeyo kama idakie, bende angʼeyo sa ma idonjo kata sa ma iwuok, kata kaka iwuoyo marach kuoma.

MUMA MALER 2015

²⁸ To ang’eyo timbeni duto: ang’eyo kata ka ichung’, kata ka ibet piny, kata kiwuok, kata kiduogo dala.

Isaya 37:28 ပူးပေါင်းရင်းမြစ်များ

2 Samuel 3:25

Ingʼeyo Abner wuod Ner; osebiro mondo owuondi kendo mondo onon kendo ongʼe kaka iwuotho mondo ongʼe gik moko duto ma itimo.”

Ngeche 15:3

Wenge Jehova Nyasaye ni kuonde duto, karito joricho gi joma beyo.

Ngeche 5:21

Yore mag dhano nenore ratiro e nyim Jehova Nyasaye, kendo onono kamoro amora ma odhiyoe.

Jeremia 48:30

Jehova Nyasaye wacho niya, “Angʼeyo mirimbe to oonge tiende, kendo ngʼayi mage ok nyal gimoro.

Fweny 2:13

Angʼeyo kama idakie. En kama kom duongʼ mar Satan nitie to kata kamano isebedo kirito nyinga ahinya. Bende ne ok ikwedo yie miyiego kuoma, kata mana e kinde mane Antipa janeno mara mar adier onegi e dalau kama Satan odakie.

1 Samuel 29:6

Omiyo Akish noluongo Daudi mowachone niya, “Akwongʼora gi nying Jehova Nyasaye mangima, ni isebedo ngʼat migeno kendo daher mondo ibed achiel kuom jolweny maga. Chakre chiengʼ mane ibiroe ira nyaka chil kawuono, pok aneno ketho moro kuomi, kata kamano jotend jo-Filistia ok oyie kodi.