Isaya 34:7 - Motingʼo Loko Manyien

⁷ Kendo jope, gi nyirwedhi kod rwedhi madongo nopodh kodgi. Pinygi nopongʼ gi remo, kendo boche noum buru.

MUMA MALER 2015

⁷ To kar nego jope, to ruodhi ema obiro nego, kendo kar nego ruedhi, to oganda mar joma rateke ema nonegi, mi remo pong’ piny, kendo piny leny nikech boche,

Isaya 34:7 ပူးပေါင်းရင်းမြစ်များ

Zaburi 22:21

Resa e dho sibuoche; resa e tunge jowi mager.

Zaburi 68:30

Kwer ondiek manie dier togo, kwer kweth mag rwedhi manie dier nyiroye mag ogendini. Mi okel sirni mangʼeny mag fedha ka wiye okuot. Ke ogendini mohero lweny.

Zaburi 92:10

Isemiyo tungena odoko ma roboche ka tunge jowi; oseol kuoma modhi maliw.

Isaya 63:6

Ne anyono ogendini kakecho; mi kuom mirimba ne amiyo gimer, kendo ne aolo rembgi e lowo.

Jeremia 25:34

Ywaguru kendo denguru; un jokwath; ngʼielreuru e buru, un jokwadh rombe. Nimar sa mar negou osechopo; unupodhi kendo ungʼinjru matindo tindo, ka agulu molos mongʼith.

Jeremia 46:21

Jolweny mondiki chal gi nyiroye machwe. Gin bende ginilokre kendo giring kanyakla, ok giniriti, nimar odiechiengʼ mar masira biro kuomgi, kinde margi mar kum.

Jeremia 50:11

“Nikech un gi ilo kendo umor, un joma ketho girkeni maga, nikech uchwe ka nyaroya machamo lum kendo ugiro ka farese,

Jeremia 50:27

Neguru nyirwedhi mage duto; we gidhi e kar yengʼo! Mano kaka gininee malit! Nimar odiechiengʼ osechopo, kinde monego kumgi.

Ezekiel 32:6

Abiro budo lowo gi rembi mamol koa ewi gode, kendo holni biro pongʼ gi ringri.

Ezekiel 39:17

“Wuod dhano, ma e gima Jehova Nyasaye Manyalo Gik Moko Duto wacho: Go dhok ne kit winy duto gi le mager duto, kiwachonegi ni, ‘Chokreuru duto kendo biuru kaachiel, kua kuonde duto ma untie, ne misango ma alosonu ma en misango maduongʼ manie gode mag Israel. Ubiro chamo ringʼo kendo ubiro madho remo kanyo.

Ezekiel 39:18

Ubiro chamo ring joma roteke kendo ubiro madho remb yawuot ruodhi mag piny, mana ka gima gin imbe gi nyithi rombe, kata diek gi rwedhi, ma gin chiayo machwe duto moa Bashan.

Kwan 23:22

Nyasaye nogologi Misri; tekogi chalo gi teko jowi.

Kwan 24:8

“Nyasaye nogologi Misri; kendo gin gi teko machalo mar jowi. Gikidho oganda jowasikgi kendo gituro chokegi matindo tindo; kendo gichwowogi gi aserni mag-gi.

Rapar mar Chik 33:17

Joka Josef nochal gi rwath makayo, tungene nochal mana ka tung jowi manie thim, ma obiro chuowogo ogendini moriembgi nyaka tunge piny duto. Tungego gin ji alufu apar mag Efraim kod ji alufu apar mag jo-Manase.