Isaya 33:6 - Motingʼo Loko Manyien

⁶ Enobed mise mar adier e ndalou, kar mwandu mar resruok gi rieko kod ngʼeyo; luoro Jehova Nyasaye e rayaw mar mwanduni.

MUMA MALER 2015

⁶ kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Isaya 33:6 ပူးပေါင်းရင်းမြစ်များ

2 Ruodhi 18:7

Jehova Nyasaye ne ni kode, kendo ne odhi maber e gik moko duto mane otimo. Nongʼanyone ruodh Asuria kendo ne ok otiyone.

Ayub 4:6

Luor miluorogo Nyasaye dak koro miyi chir koso ngimani moriere dak koro miyi geno?

Zaburi 140:7

Yaye Jehova Nyasaye Manyalo Gik Moko Duto, ma jakonyna motegno, in migengʼona wiya sa ma lweny ger.

Zaburi 28:8

Jehova Nyasaye e teko mar joge, en e ohinga mar resruok ni joge moyiero.

Zaburi 45:4

E duongʼni nyisri ayanga kaka jalocho mochungʼ ni adiera gi muolo kod tim makare; lweti ma korachwich mondo onyis timbeni miwuoro.

Ngeche 14:24

Mwandu jomariek e osimbo margi, to fup joma ofuwo nyago mana fuwo.

Ngeche 14:26

Ngʼat moluoro Jehova Nyasaye nigi ohinga motegno, kendo nyithinde noyud kar pondo.

Ngeche 14:27

Luoro Jehova Nyasaye en soko mar ngima, ma reso ngʼato e obadho mag tho.

Ngeche 15:16

Ber bedo gi matin ka iluoro Jehova Nyasaye moloyo mwandu mangʼeny kod koko.

Ngeche 19:23

Luoro Jehova Nyasaye tero ji e ngima; eka ngʼato yweyo kodhil, ma ok omule gi chandruok.

Ngeche 2:5

eka iniwinj malongʼo tiend luoro Jehova Nyasaye, kendo iniyud rieko mar ngʼeyo Nyasaye.

Ngeche 28:2

Ka piny toke tek, to en gi jotelo mangʼeny, to ngʼat mawinjo wach kendo man-gi ngʼeyo rito chik.

Ngeche 29:4

Gi adiera ema ruoth miyo piny bet mochungʼ motegno, to ngʼat mawuor ne asoya muke magoye piny.

Eklesiastes 7:12

Rieko en tipo mana kaka pesa bende en tipo, nimar rieko kelo ngima ni ngʼama ni kode.

Eklesiastes 7:19

Gima rieko nyalo timo ne ngʼato duongʼ moloyo gima jotelo apar nyalo timo ne dala maduongʼ.

Isaya 11:9

Ok ginihiny kata ketho gimoro e godena duto maler, nimar rieko mar Jehova Nyasaye nopongʼ piny, mana ka pi mopongʼo nam.

Isaya 26:1

E ndalono wendni nower e piny Juda ni: Wan gi dala maduongʼ man-gi teko; Nyasaye kelo resruok e ohingane gi kuonde molwore.

Isaya 32:17

Olemb tim makare nobed kwe; to tim makare nokel horuok gi chir nyaka chiengʼ.

Isaya 32:18

Joga nodag kuonde ma kwe nitie, e mier moger motegno, kendo kuonde ma kwe nitie ma koko ongee.

Isaya 33:20

Ka irango Sayun, dala maduongʼ mar sewniwa moyier; ibiro neno Jerusalem kama kwe nitie, hema ma ok bi muki; loje mage ok nopudhi, kata tondene ok nochodi.

Isaya 45:17

To Israel Jehova Nyasaye noresi gi warruok manyaka chiengʼ; wiwu ok nokuodi bende ok nochau nyaka chiengʼ.

Isaya 51:14

Joma ni e twech ma luoro omako ibiro gony machiegni; ok ginitho e kuondegi mag twech kendo ok ginichand chiemo.

Isaya 51:6

Tingʼ wangʼi malo ingʼi polo, bende rang piny gie polo, nikech polo nolal nono mana ka iro, to piny bende biro ti mana ka law kendo oganda modak e iye notho mana ka lwangʼni. To resruok makelo nosiki nyaka chiengʼ kendo adiera mara ok norum.

Jeremia 31:34

Koro ngʼato ok nochak opuonj jabathe, kata nyawadgi kowacho ni, ‘Ngʼe Jehova Nyasaye,’ nikech giduto giningʼeya, kochakore ngʼat matinie moloyo nyaka ngʼat maduongʼie moloyo,” Jehova Nyasaye owacho. “Nimar anawenegi timbegi maricho kendo ok anachak apar richogi kendo.”

Habakuk 2:14

Nimar piny biro pongʼ gi ngʼeyo mar duongʼ Jehova Nyasaye kaka pi kwako nam.

Mathayo 6:33

To mokwongo, dwaruru pinyruoth Nyasaye kod timne makare eka gigi duto bende nomiu kaachiel gi mago.

2 Jo-Korintho 6:10

wakuyo, to wasiko wamor amora, wadhier, to wamiyo ji mathoth bedo jo-mwandu, wanenore ka gima waonge gimoro, to kare wan ema wan gi gik moko duto.

1 Timotheo 4:8

Nikech kata obedo ni tuke mag rieyo del konyo ji e yore moko, to luoro Nyasaye nigi gweth mathoth moloyo, en gi ohala e ngima masani kendo e ngima mabiro bende.

1 Timotheo 6:6

To geno Nyasaye gi chuny modhil en ohala maduongʼ.