Isaya 32:4 - Motingʼo Loko Manyien

⁴ Chuny ngʼat mamuomore nowinj wach gi tiende kendo ngʼat ma radwal nowuo maber kendo maliw.

MUMA MALER 2015

⁴ Chuny ng’at mamwomore nobed gi rieko, kendo ng’at ma radwal nolos maber.

Isaya 32:4 ပူးပေါင်းရင်းမြစ်များ

Wuok 4:11

Eka Jehova Nyasaye nowachone niya, “En ngʼa manochweyo dho dhano? En ngʼa mamiyo odoko momo kata ite odino? Koso en ngʼa mamiyo oneno kata obedo muofu? Donge en an Jehova Nyasaye?

Wer Mamit 7:9

kendo dhogi chal mana gi divai mamit. Mad divai lor mos e dwond jaherana, kamol mos e kind lewe kod lekene komadhe.

Isaya 29:24

Joma parogi bayo noyud rieko; kendo joma kwedo wach bende nopuonji.

Isaya 35:4

koneuru joma nigi chuny mool ni, “Beduru motegno kendo kik uluor; nimar Nyasachu biro biro, mondo ochul kuor ne wasiku, kaka owinjore kendo oresu.”

Isaya 35:5

Eka joma muofni nonen kendo joma itgi odino nowinj wach.

Mathayo 11:25

E sechego Yesu nowacho niya, “Apakoi Wuonwa, Ruodh polo gi piny, nikech isepando gigi ne joma riek gi joma osomo, to isefwenyogi ne nyithindo matindo.

Mathayo 16:17

Yesu nodwoke niya, “Ogwedhi adier, Simon wuod Jona, nimar dhano ok ema osefwenyoni tiend wachni, to Wuora manie polo ema osefwenyonigo.

Tich Joote 4:13

Kane gineno chir mane Petro gi Johana nigo, kendo kane ginwangʼo ni gin ji ajia ma ok osomo, ne giwuoro ahinya, eka negifwenyo ni jogi yande nigi Yesu.

Tich Joote 6:7

Omiyo Wach Nyasaye nomedo landore, kendo kwan jopuonjre mane ni Jerusalem nomedore ahinya, kendo ji mangʼeny kuom jodolo nolokore moluwo yieno.

Jo-Galatia 1:23

Negisewinjo mana wach niya, “Ngʼat ma yande sandowa bende tinde yalo kuom yie ma notemo ketho e kinde mosekalo.”