Isaya 29:7 - Motingʼo Loko Manyien

⁷ Eka ogendini mag pinje duto makedo gi Ariel, mamonjo kuondege motegno kendo lwore, biro chalo mana ka lek kata ka fweny mar otieno,

MUMA MALER 2015

⁷ Ogendini mang’eny ma goyoni ageng’a kendo kedo kodi, nolal nono mana ka lek mar otieno, yaye Jerusalem.

Isaya 29:7 ပူးပေါင်းရင်းမြစ်များ

Ayub 20:8

Olal nono mana ka lek, kendo ok chak yud ndache iriembe modhi mabor, mana ka lek mar otieno.

Zaburi 73:20

Gilal nono ka lek ma ngʼato oleko gokinyi, omiyo e kinde ma ia malo, yaye Ruoth Nyasaye, to ok ibi dewogi mana ka kido maonge.

Isaya 17:14

Kochopo odhiambo, kibaji nogogi apoya nono! To kapok piny oru, to ginilal nono! Ma e pok mar joma mayowa, kendo en e pok mar joma yakowa.

Isaya 37:36

Eka malaika mar Jehova Nyasaye ne owuok mi odhi onego ji alufu mia achiel gi piero aboro gabich e kambi mar jo-Asuria. Kane ji ochiewo gokinyi negiyudo mana ringre joma otho!

Isaya 40:17

Ogendini duto ok gimoro e nyime, okwanogi ka gik manono, maonge tich.

Nahum 1:15

Tingʼ wangʼi, ineye tiende ngʼat makelo Injili, kendo malando kwe ewi gode! Tim nyasi mar mor, yaye Juda, chopuru singruoku. Jomaricho ok nochak omonju kendo; nikech ibiro tiekgi pep.

Nahum 2:1

Ngʼat mabiro monji ochomi, yaye Nineve, omiyo rit dala mochiel motegno, rit yoreni, bed gi ikruok maber, kuom tekoni duto!

Zekaria 12:9

Odiechiengno anawuog oko mondo atiek pinje duto mamonjo Jerusalem.