Isaya 28:23 - Motingʼo Loko Manyien

²³ Chik iti kendo iwinj dwonda, keturu chunyu mondo uwinj weche mawacho.

MUMA MALER 2015

²³ Chikuru itu mondo uwinj wechena:

Isaya 28:23 ပူးပေါင်းရင်းမြစ်များ

Zaburi 81:9

Kik ubed gi nyasaye ma wendo e dieru, kendo kik ukulru ne nyasaye ma ukia.

Isaya 1:2

Winji yaye polo! Chik iti, yaye piny! Nikech Jehova Nyasaye osewuoyo: asepidho nyithindo mobedo madongo, to gisepiem koda.

Isaya 28:22

Koro weuru ajara mondo kik tol motweugo ridre, nimar Ruoth Nyasaye ma en Jehova Nyasaye Maratego, osenyisa wach mar kethruok mabiro kwako piny duto.

Isaya 28:24

Ka japur puro puodho mondo okom to bende osiko ka opuro apura? Koso bende osiko ka obuso abusa?

Isaya 32:9

Un mon maparo ni odak e ngima maber, auru malo kendo uwinj wachna, un nyiri modak gi kwe, winjuru gima awacho!

Jeremia 22:29

Yaye piny, piny, piny, winj wach Jehova Nyasaye!

Rapar mar Chik 32:1

Chikuru itu kawuoyo, yaye polo; to in piny winj weche mawuok e dhoga.

Fweny 2:11

Ngʼat man-gi it mondo owinj gima Roho wacho ni kanisa. Ngʼat molocho to tho mar ariyo ok notime gimoro kata matin.

Fweny 2:14

To kata kamano an kod weche matin kuomi: In kod jomoko kanyo maluwo puonj mar Balaam mane opuonjo Balak kaka onyalo ywayo jo-Israel mondo otim richo ka gichamo chiemo motimgo misango ni nyiseche manono kendo kuom richo mar chode.

Fweny 2:29

Ngʼat man-gi it mondo owinj gima Roho wacho ni kanisa.

Fweny 2:7

Ngʼat man-gi it mondo owinj gima Roho wacho ne kanisa. Ngʼat molocho to anami adiera mar chamo olemb yadh ngima manie puotho mar Nyasaye.