Isaya 26:12 - Motingʼo Loko Manyien

¹² Jehova Nyasaye, isemiyowa kwe; kendo gik moko duto ma wasetimo in ema isetimonwa.

MUMA MALER 2015

¹² A Ruoth Nyasaye, inimiwa kue, nikech gik moko duto ma wasetimo, in ema itimonwa.

Isaya 26:12 ပူးပေါင်းရင်းမြစ်များ

Zaburi 29:11

Jehova Nyasaye miyo joge teko; Jehova Nyasaye gwedho joge gi kwe.

Zaburi 57:2

Aywagora ne Nyasaye Man Malo Moloyo, Nyasaye machopona chenroge ema aywakne.

Zaburi 57:3

Ooro wach gie polo kendo oresa, kokwero joma lawa gi tekregi duto; Sela Nyasaye oro herane gi adiera mare.

Zaburi 68:28

Chok tekoni kaachiel, yaye Nyasaye; nyiswa tekoni, yaye Nyasaye; kaka isebedo kitimo nyaka aa chon.

Zaburi 90:17

Mad ngʼwono mar Ruoth Nyasachwa obed kodwa; yie igurnwa tich mar lwetwa, ee gurnwa tich mar lwetwa.

Isaya 26:3

Inirit gi kwe ngʼatno ma parone oriere tir, nikech ogeno kuomi.

Isaya 27:5

Ka ok kamano to wegi gibi ira mondo abed kar pondogi; we mondo gilos kwe e kinda kodgi, ee, we gilos winjruok koda.”

Isaya 29:23

Ka gineno nyithindgi ma tich lweta e kindgi, to gibiro rito nyinga obed maler, kendo gibiro yie kuom ler mar Jal Maler mar Jakobo, kendo gichungʼ e nyim Nyasach Israel gi luor maduongʼ.

Isaya 32:18

Joga nodag kuonde ma kwe nitie, e mier moger motegno, kendo kuonde ma kwe nitie ma koko ongee.

Isaya 57:10

Kata nobedo ni timbegi mamono duto nooli kamano; to ne ok inyal wacho ni, ‘Gionge tich.’ Nibedo gi teko kendo omiyo chunyi ne ok onyosore.

Isaya 57:19

ka achiwo wende pak e dho jo-Israel man-gi kuyo. Kwe, kwe, ne jogo man machiegni kod man maboyo. Kendo abiro changogi,” Jehova Nyasaye owacho.

Isaya 9:6

Nimar osenywolnwa nyathi, adier osemiwa wuowi, kendo loch nobedi e lwete. Noluong nyinge ni Jabura Mahono, Nyasaye Maratego, Wuoro Manyaka Chiengʼ kendo Ruodh Kwe.

Jeremia 33:6

“ ‘Kata kamano, anamigi ngima kendo chang; anachang joga kendo anami gibed gi mor kuom kwe mathoth kod rit mogundho.

Ezekiel 20:14

To nikech nyinga, ne atimo gimane nyalo miyo kik yanye e nyim ogendini mane oneno ka agologi e diergi.

Ezekiel 20:22

To ne angʼwononegi ma ok atimo kamano mondo nyinga kik kethre e kind ogendini mane oneno kagolo jo-Israel e piny Misri.

Ezekiel 20:9

To nikech nyinga, ne atimo gima ne nyalo miyo kik yanye e nyim ogendini mane gidak e diergi, kendo mane ongʼeyo ni ne asefwenyora ni jo-Israel kane agologi e piny Misri.

Ezekiel 36:25

Abiro kiro pi maler kuomu mi udok jomaler; abiro pwodhou kuom timbeu mamono kendo kuom nyisecheu duto mopa.

Kwan 6:26

Jehova Nyasaye orangu maber kendo omiu kwe.’

Johana 14:27

Aweyonu kwe; kwe mara ema amiyou. En kwe ma pinyni ok nyal miyou. Kik chunyu parre kendo kik ubed maluor.

Jo-Efeso 2:10

Mano timore nikech wan chwech Nyasaye, manochweyo kuom Kristo Yesu mondo otim timbe mabeyo, ma Nyasaye owuon ema nosechano chon mondo watim.

Rapar mar Chik 30:6

Jehova Nyasaye ma Nyasachu nopwodh chunyu kod chuny nyikwau mondo uhere gi chunyu duto kod ngimau duto mondo udagi amingʼa.

Jo-Hibrania 13:20

Mad Nyasach kwe ma nochiero Ruodhwa Yesu, ma en Jakwath Maduongʼ mar rombe, kuom remo mar singruok mosiko,