Isaya 24:20 - Motingʼo Loko Manyien

²⁰ Piny thembo ka jakongʼo, kendo ohukni ka kiru ma yamo yiengo, kethruok kod timbene mamono omiyo opodho ma ok nochak oa malo.

MUMA MALER 2015

²⁰ Adier, piny notagre mana ka ng’at momer, kendo noukni mana ka kiru ma yamo yiengo. Nopodhi, to ok nochak ochung’ kendo, nimar richo ji ohinge gi pek.

Isaya 24:20 ပူးပေါင်းရင်းမြစ်များ

Chakruok 41:31

Higni abiriyo mag yiengʼo ok nopar, nikech kech mano luweno nobed malich miwuoro.

Ayub 12:25

Gidangʼni ei mudho maonge ler; kendo omiyo gikwangʼ ka joma omer.”

Zaburi 107:27

Ne gipuore kendo gitagore ka joma omer; kendo pachgi nolalnegi.

Zaburi 38:4

Ketho ma asekethogo oima mana ka lodi mapek mohinga tingʼo.

Isaya 1:28

To joma ongʼanyo kod joricho duto gi joma oweyo Jehova Nyasaye notiek chuth.

Isaya 1:8

Nyar Sayun odongʼ ka kiru manie e puoth mzabibu, kata ka abila e puoth budho kendo ka dala maduongʼ ma wasigu omonjo.

Isaya 19:14

Jehova Nyasaye osejwangʼogi ma chunygi ool; gimiyo jo-Misri tangni e gik moko duto ma otimo, machal mana ka jakongʼo madwanyore kama ongʼokie.

Isaya 24:1

Neuru Jehova Nyasaye biro ketho piny, mi odongʼ nono, obiro loko kit piny kendo keyo jogo modakie.

Isaya 28:7

To jogi bende kwangʼ nikech divai kendo gibayo nikech kongʼo: Jodolo kod jonabi mer makwangʼ nikech kongʼo kendo gitagore nikech divai, githembo ka gineno fweny, gichwanyore ka gingʼado bura.

Isaya 29:9

Bed mobuok kendo kiwuoro, dinuru wengeu kendo kik unen, meruru amera to ok gi divai, kendo themburu athemba to ok gi kongʼo.

Isaya 38:12

Osepudh oda mi owit mabor mana kaka igolo kiru mar jakwath. Ngimana osengʼad machiek mana kaka jatwengʼo dolo usi mabed machiek kendo asandora pile ka pile, odiechiengʼ kod otieno.

Isaya 43:27

Kwaru mokwongo notimo richo; kendo jotendu nongʼanyona.

Isaya 66:24

“Giniwuogi mi gine ringre joma otho mosepiem koda, kudni machamogi ok notho kata mach mawangʼogi ok notho kendo ginibed gik ma piny ngima ojokgo.”

Jeremia 25:27

“Eka inyisgi ni, ‘Ma e gima Jehova Nyasaye Maratego, ma Nyasach Israel, wacho: Methi, mer kendo ngʼogi, mi ipodh piny ma ok inyal chungo malo kendo nikech ligangla ma anaor e dieru.’

Jeremia 4:24

Ne angʼiyo gode madongo kendo negiyiengni, to gode matindo duto ne rundore koni gi koni.

Jeremia 51:29

Piny tetni kendo nigi rem mapek, nimar chenro mar Jehova Nyasaye kuom Babulon osiko mondo piny Babulon odongʼ gunda, maonge ngʼama nodag kanyo.

Jeremia 8:4

“Wachnegi ni, ‘Ma e gima Jehova Nyasaye wacho: “ ‘Ka ji opodho mogore piny donge gia malo? Ka ngʼato oa, donge odwogo?

Ywagruok 1:14

Richona osetwe e ngʼuta ka jok; adier osetweyogi gi lwete owuon. Oseketgi e ngʼuta kendo Ruoth Nyasaye osetieko tekra, bende osejwangʼa e lwet joma ok anyal loyo.

Daniel 11:19

Bangʼ mano, nodog kuonde mochiel motegno manie pinygi, to kata kamano noloye ma ok nochak owinje kendo.

Amos 8:14

Ji duto makwongʼore gi nying Ashima, ma nyasaye madhako mar Samaria, kata makwongʼore gi nyasach Dan, kendo gi nyasach Bersheba, nopodh chuth, ma ok ginichak gia malo.”

Nahum 1:5

Gode madongo yiengni e nyime kendo thuche leny nono. Piny tetni e nyime, piny kod ji duto madakie tetni.

Fweny 18:21

Eka malaika maratego nokawo kidi machalo gi pongʼ rego maduongʼ, notingʼe kendo nobole e nam, kowacho niya, “Kamano e kaka Babulon dala maduongʼ nobol piny, mi ok nonene ngangʼ.