Isaya 24:17 - Motingʼo Loko Manyien

¹⁷ Masira rita, osekunyna bugo kendo obadho osechikna, yaye un oganda modak e piny.

MUMA MALER 2015

¹⁷ A yaye, un joma odak e piny, masira gi bur kod obadho ema ochomou!

Isaya 24:17 ပူးပေါင်းရင်းမြစ်များ

1 Ruodhi 19:17

Jehu biro nego ngʼato angʼata motony e ligangla mar Hazael kendo Elisha biro nego ngʼato angʼata motony e ligangla Jehu.

Ayub 18:8

Tiendene osetere ei gogo kendo koro orundore e iye.

Isaya 8:14

kendo en ema nobed kare maler; to ne jo-Israel kod jo-Juda, enobed kidi machwanyo ji kendo lwanda mamiyo gipodho. Chutho enobed obadho ma jo-Jerusalem nomokie.

Jeremia 11:11

Emomiyo ma e gima Jehova Nyasaye wacho: ‘Anakelnegi masira ma ok ginyal tonye. Kata bed ni giywakna, ok anawinjgi.

Jeremia 8:3

Kamoro amora ma ariembogi ka aterogie, to jogo duto motony mar oganda marachni noher tho kar ngima, Jehova Nyasaye Maratego owacho kamano.’

Ywagruok 2:22

Ne iluongo masira koa kuonde duto mana ka ji mabiro e nyasi moro maduongʼ. E odiechiengʼ mar mirimb Jehova Nyasaye onge ngʼato mane otony kata mane odongʼ kangima. Kuom joga mane apidho kendo arito, wasika osetieko.

Ywagruok 3:47

Luoro gi obadho ritowa kendo kethruok gi masira ochomowa.”

Ezekiel 11:8

Uluoro ligangla, to liganglano ema abiro tiekougo, Jehova Nyasaye Manyalo Gik Moko Duto owacho.

Ezekiel 12:13

Abiro rieyone tonda mondo amakego mi kawe komoko e obadhona. Abiro tere nyaka Babulon, piny jo-Kaldea, to kata kamano ok none pinyno gi wangʼe, kendo kuno ema nothoe.

Ezekiel 14:21

“Kuom mano ma e gima Jehova Nyasaye Manyalo Gik Moko Duto wacho: Mano kaka nobed marach moloyo kuom Jerusalem ka anaor kum maga angʼwen ma gin ligangla gi kech, gi le mager kod dera, mondo aneg joge kod le mage duto!

Amos 5:19

Chiengʼno nochal mana gi ngʼat ma sibuor lawo, to oromo gi ondiek, kata nochal gi ngʼat modonjo e ot, moyiengo lwete e kor ot, mi thuol okaye!