Isaya 2:5 - Motingʼo Loko Manyien

⁵ Yaye od Jakobo, biuru mondo wawuoth e ler mar Jehova Nyasaye.

MUMA MALER 2015

⁵ Biuru, yaye un joka Jakobo, mondo wawuoth e ler mar Ruoth Nyasaye.

Isaya 2:5 ပူးပေါင်းရင်းမြစ်များ

Zaburi 36:10

Med nyiso herani ni joma ongʼeyi, med nyiso timni makare ne joma gie chunygi ni kare.

Zaburi 89:15

Ogwedh joma osepuonjore goyoni sigio mar mor, jogo mawuotho buti e lerni, yaye Jehova Nyasaye.

Zaburi 89:16

Giil odiechiengʼ duto nikech nyingi; gidhialo timni makare.

Isaya 2:3

Ogendini mangʼeny nobi kawacho niya, “Biuru wadhi e got mar Jehova Nyasaye, e od Nyasach Jakobo. Enopuonjwa wechene mondo wawuothie e yorene.” Chik nowuog Sayun, kendo wach Jehova Nyasaye nowuog koa Jerusalem.

Isaya 58:1

“Gouru koko matek, kendo kik udog chien. Tingʼuru dwondi malo mana ka turumbete. Nyisuru joga malongʼo ngʼanyo margi kendo richo mar od joka Jakobo nyisgiuru.

Luka 1:79

mondo orieny kuom jogo modak e mudho, kendo e tipo mar tho, mondo otel ne tiendewa e yor kwe.”

Jo-Efeso 5:8

Nikech chon ne un jo-mudho, to sani koro un joler kuom Ruoth. Daguru kaka nyithind ler

1 Johana 1:5

Puonj mane wayudo kuom Kristo kendo koro wanyisou ema: Nyasaye en ler, kendo mudho onge kuome kata matin.

1 Johana 1:7

To ka wawuotho e ler, kaka en bende enie ler to wan e lalruok ngʼato gi ngʼato, kendo remb Yesu Wuode pwodhowa kuom richowa duto.