Isaya 17:2 - Motingʼo Loko Manyien

² Mier madongo mag Aroer nodongʼ gunda nodongʼ kar nindo jamni kendo onge ngʼama nobwog-gi.

MUMA MALER 2015

² Ji ok nodag e mier mage nyaka chieng’, kendo miergo nodong’ mana kuonde ma jamni kwayoe mos ma onge gima thaggi.

Isaya 17:2 ပူးပေါင်းရင်းမြစ်များ

Ayub 11:19

Ininind kionge gi luoro, kendo ji mangʼeny nomany konyruok kuomi.

Isaya 27:10

Dala maduongʼ mochiel motegno odongʼ gunda, kama yande ji odakie ojwangʼ ka thim; nyiroye nokwa kanyo bende kanyo ema gini nindie kagiselwero bede yien magitieko.

Isaya 5:17

Eka rombe nokwa e legegi giwegi; to nyirombe nokwa e gundni mane mag jomoko.

Isaya 7:21

E kindeno ngʼato biro yudo konyruokne koa kuom nyaroya kod diek ariyo.

Isaya 7:22

To nikech chak mangʼeny manonyiedh kuomgi enonwangʼ mor dhiangʼ mochamo. Jogo duto manodongʼ e pinyno nocham mana mor dhiangʼ kod mor kich.

Jeremia 48:19

Chunguru e bath yo kendo ungʼi, un joma odak Aroer. Penj dichwo maringo kod dhako maringo, ni, Angʼo mosetimore?

Jeremia 7:33

Eka ringre jogi nobed chiemo mar winy mafuyo e kor polo kod le mag bungu manie piny, kendo onge ngʼama nobwog-gi mondo gia.

Ezekiel 25:5

Abiro loko Raba pap ma ngamia kwaye to Amon kama rombe yweye. Eka unungʼe ni An e Jehova Nyasaye.

Ezekiel 39:26

Wigi nowil gi wichkuot margi kod ketho duto mane gikethonago kane gidak gi kwe e pinygi kaonge ngʼama bwogogi.

Mika 4:4

Ngʼato ka ngʼato nobed e bwo yiende owuon mar mzabibu kendo e bwo yiende owuon mar ngʼowu, kendo onge ngʼama nochak omigi luoro nikech Jehova Nyasaye Maratego osewacho.

Zefania 2:6

Piny mantiere e dho nam kama jo-Kereth odakie biro bedo kar jokwath kendo kama ogerie abich rombe.

Kwan 32:34

Jo-Gad nogero mier madongo motegno kaka Dibon, Ataroth, Aroer,

Rapar mar Chik 2:36

Onge dala mane nyalo sirowa e lweny chakre Aroer, e dho holo mar Arnon kod dala manie holo hie nyaka chop Gilead kendo onge kata mana dala achiel mane ok wanyal kawo. Jehova Nyasaye ma Nyasachwa nochiwogi duto e lwetwa.

Rapar mar Chik 3:12

Kuom pinje moko mane wakawo e kindeno, ne amiyo joka Reuben kod joka Gad tongʼ mokiewo gi Aroer man e bath holo mar Arnon, komedi gi nus mar piny gode manie Gilead kod miechgi duto.

Joshua 13:16

Tongʼ mar pinygi nochakore Aroer man but holo mar Arnon, kendo koa e dalano mantiere e dier holono nyaka Medeba,

Joshua 13:25

Piny Jazer, mier matindo duto mag Gilead kod nus mar jo-Amon mochopo Aroer machiegni gi Raba;