Isaya 17:11 - Motingʼo Loko Manyien

¹¹ kata obedo ni chiengʼ mipidhogieno ema gidongoe kendo okinyi ma ipidhogieno ema gichiewoe, onge gima niyudi to makmana chandruok kod rem ma ok rum.

MUMA MALER 2015

¹¹ bende kata obedo ni umiyo chamgo twi mana chieng’ ma upidhogieno, mi kinyne githiew, to unuka mana chandruok kod rem ma ok rum!

Isaya 17:11 ပူးပေါင်းရင်းမြစ်များ

Ayub 4:8

Gima aseneno en ni joma chwoyo richo gi chandruok kayo mana richo.

Zaburi 90:6

ma kata obedo ni loth ka ngʼich gokinyi to godhiambo to ner kendo two.

Isaya 17:5

Nochal mana ka jakeyo mabeto cham choko kamoro achiel bangʼe okayogi gi lwete mana kaka jahulo, hulo cham e Holo mar Refaim.

Jeremia 5:31

Jonabi koro miriambo, jodolo tiyo gi tekogi giwegi, kendo joga ohero mana gik ma kamago. To en angʼo ma ibiro timo e ndalo mogik?

Hosea 8:7

“Gichwoyo yamo to gikayo kalausi. Gin gi cham ma ok ket wiye; kendo ok onyal kelo mogo. To kane onyalo nyago cham, to jopinje mamoko dochame duto.

Hosea 9:16

Midekre osemako Efraim, kendo tiendene ner, ok ginyag olemo. Kata ka ginywolo nyithindo, to ananeg nyithindgi ma gihero ahinyago.”

Joel 1:17

Kothe otop motwo ei lowo. Ute keno okethore, dere osego piny, nikech cham onge.

Tim jo-Lawi 26:20

Ubiro ketho tekreu kayiem nono, kuchwoyo cham nimar chambu ok nochiegi, kata yedheu bende ok nonyag olembe.

Jo-Rumi 2:5

To kuom tamruok mari kod chunyi midagi loko, ikuno mirima mager, ne in iwuon ne odiechieng mirimb Nyasaye, ma buche makare noelie.

Rapar mar Chik 28:39

Unupidh mzabibu e puotheu ma ukagi to ok unumadh olemo mochwer kuomgi kata choko olembgigo nikech kute nochamgi.