Isaya 14:20 - Motingʼo Loko Manyien

²⁰ ringreni ok noiki kaka noik ruodhi mamoko nimar iseketho piny kendo isenego jogi. Nyithi joma timbegi mono ok nochak oluong nyingegi kendo.

MUMA MALER 2015

²⁰ Ringri mosenyon pinyno ok bi yiki kaka oseyik ruodhi mamokogo, nikech iseketho pinyi, mi inego jogi iwuon. Nyithindi bende ok nobed ruodhi bang’i.”

Isaya 14:20 ပူးပေါင်းရင်းမြစ်များ

2 Ruodhi 9:35

To kane gidhi yike onge gima negiyudo makmana hanga wiye, tiendene gi lwetene.

Ayub 18:16

Jarichono chalo gi yath ma tiendene otwo ei lowo, kendo bedene oner.

Ayub 18:17

Humbe rumo e piny; kendo onge ngʼama nochak opare.

Ayub 18:19

Oonge gi nyithinde kata nyikwaye e dier ogandane, kata ngʼama nodongʼ kama yande odakie.

Zaburi 109:13

Kothe duto mondo kargi olal nono, kendo nying-gi oruchi kik bedi e tiengʼ mabiro.

Zaburi 21:10

Ibiro tieko kothgi mi rum e piny, kendo nyithindgi biro rumo e dier ji.

Zaburi 37:28

Nikech Jehova Nyasaye ohero joma joratiro, kendo ok obi jwangʼo joge ma jo-adiera. Ibiro ritgi maber nyaka chiengʼ, to koth joma timbegi richo, ibiro ngʼad kargi oko;

Eklesiastes 6:3

Ngʼato nyalo bedo kod nyithindo mia achiel kendo odak higni mangʼeny; to kata bed ni odak mangʼeny maromo nade, ka ok onyal yudo mor kuom mwandune kendo ok oike maber ka otho, to awacho ni nyathi monywol kosetho ber moloye.

Isaya 1:4

Yaye oganda ma joricho, koth ji mogangore gi timbe mamono, kanyakla mar joma timbegi richo, nyithindo mochiwore ne timbe acheje! Giseweyo Jehova Nyasaye; gisejaro Jal Maler mar Israel giselokone ngʼegi.

Isaya 31:2

Kata kamano en bende en gi rieko kendo onyalo kelo chandruok; bende ok olok pache e gima osewacho. Obiro kumo joma timbegi mono, kaachiel gi joricho makonyogi.

Isaya 9:17

Kuom mano Ruoth Nyasaye ok nobed mamor gi jomatindo bende ok nokech nyithi kiye kod mon ma chwogi otho, nikech ji duto opongʼ gi richo kendo timo timbe mamono bende dhogi opongʼ gi weche mochido. To Kata ka magi duto osetimore to mirimbe ok orumo kuomgi kendo pod odhi nyime mana gikumogi.