Isaya 14:19 - Motingʼo Loko Manyien

¹⁹ In to osejwangʼi oko mar buri mana ka bad yath mojwangʼ; kendo ringri oum gi jogo mosenegi gi ligangla, jogo mowiti e bur motimo kite. Mana ka ringre joma otho minyono gi tielo,

MUMA MALER 2015

¹⁹ to in, osewiti oko, mi irieri piny mak oyiki, mana ka guok motho. Joma oneg e lweny, mowit e bur motimo kite, ema ogangore kuomi.

Isaya 14:19 ပူးပေါင်းရင်းမြစ်များ

1 Ruodhi 21:19

Nyise kama, ‘Ma e gima Jehova Nyasaye wacho, Donge isenego ngʼato kendo mikawo mwandune?’ Wachne kendo ni, ‘Ma e gima Jehova Nyasaye wacho, Kama guogi nonangʼoe remb Naboth, bende e kama guogi biro nangʼoe rembi in iwuon, ee, mana in!’ ”

1 Ruodhi 21:24

“Guogi biro chamo joka Ahab motho e mier madongo kendo winy mae kor polo biro chamo mago motho e pewe.”

2 Ruodhi 9:25

Jehu nowachone Bidkar jatend gechene mag lweny niya, “Kawe ibole e puodho mane mar Naboth ja-Jezreel. Par kaka in kod an ne wariembo gechewa kanyachiel bangʼ Ahab ma wuon-gi kane Jehova Nyasaye okoro wachni kuome kama:

Isaya 13:15

Ngʼato angʼata manomaki nochwo matho, jogo duto momaki noneg gi ligangla.

Isaya 14:18

Ruodhi duto mag ogendini onindo komi luor, ka moro ka moro ni e liende owuon.

Isaya 34:3

Jogi monegi nowit oko, mi ringregi nodungʼ kendo rembgi nopongʼ gode.

Isaya 5:25

Kuom mano Jehova Nyasaye osekecho gi joge; kendo oserieyo bade kuomgi monegogi. Gode yiengni kendo ringre joma otho odhurore e wangʼ yore ka yugi. To kata bed ni magi duto osetimore, to mirimbe pod ok okwe, nimar pod okecho kodgi.

Jeremia 16:6

Joma iwuoro to gi ji ajiya notho e pinyni. Ok noikgi kendo ok noywag-gi, bende onge ngʼama nongʼad dende kata lielo wiye nikech gin.

Jeremia 22:19

Enoyike ka punda, moywa kendo owit oko mar dhorangeye Jerusalem.”

Jeremia 41:7

Kane gidhi e dala maduongʼ, Ishmael wuod Nethania kod chwo mane ni kode nonegogi mi owitogi ei bur.

Jeremia 41:9

Koro buche mane owitoe ringre chwo duto mane osenego kaachiel gi Gedalia ne en mano mane Ruoth Asa oloso kaka kar pondone kane okedo gi Baasha ruodh Israel. Ishmael wuod Nethania nopongʼe gi ringre joma otho.

Jeremia 51:4

Ginineg-gi Babulon, kendo hinye ahinya e yorene.

Ezekiel 32:23

Lieteni ni e buche matut duto kendo jolweny mage onindo piny kolworo liende. Ji duto mane osebedo ka bwogo ji e piny joma ngima osenegi, kendo koro oseneg-gi gi ligangla.

Ezekiel 32:27

Donge koro giriere piny e dier jokedo mamoko ma ok oter nyangu mosepodho, ma osedhi e bur kaachiel gi gigegi mag lweny, kendo makoro osepiel wiyegi e liganglagi? Kum mar richogi koro omako nyaka chokegi, kata obedo ni mbi mag jolwenygi ne olandore e piny joma ngima duto.