Isaya 14:18 - Motingʼo Loko Manyien

¹⁸ Ruodhi duto mag ogendini onindo komi luor, ka moro ka moro ni e liende owuon.

MUMA MALER 2015

¹⁸ Ruodhi mag ogendini yueyo e lietegi molos malich,

Isaya 14:18 ပူးပေါင်းရင်းမြစ်များ

2 Ruodhi 9:35

To kane gidhi yike onge gima negiyudo makmana hanga wiye, tiendene gi lwetene.

2 Weche mag Ndalo 24:16

Ne oike e Dala Maduongʼ mar Daudi gi ruodhi nikech gigo mabeyo mane osetimo ni Nyasaye kod hekalu e Israel.

2 Weche mag Ndalo 24:25

Kane jo-Aram osea ne giweyo ka gihinyo Joash malit. Eka jodonge noriworene nikech nek mane onegogo wuod Jehoyada jadolo mi neginege e kitandane. Omiyo notho kendo ne giike e Dala Maduongʼ mar Daudi to ok kar yiko ruodhi.

Ayub 3:14

gi ruodhi kaachiel gi jongʼad rieko mag piny, mane ogero kuondegi madongo mag dak matinde olokore gundni,

Ayub 30:23

Angʼeyo ni ibiro tera nyaka e tho, nyaka kama ochan ne joma ngima duto.

Eklesiastes 12:5

Ji noluor kuonde motingʼore gi malo kendo wuoth nobednigi matek e wangʼ yore. Maua mar oyungu thiewo kendo ongogo lak mondo odhi ocham it yien-no, to oyudo ka it yien-no onge gi ndhandhu. Kamano e kaka dhano dhiyo e dalane mosiko ka joywak to dengo e wangʼ yore.

Eklesiastes 6:3

Ngʼato nyalo bedo kod nyithindo mia achiel kendo odak higni mangʼeny; to kata bed ni odak mangʼeny maromo nade, ka ok onyal yudo mor kuom mwandune kendo ok oike maber ka otho, to awacho ni nyathi monywol kosetho ber moloye.

Isaya 14:17

ngʼat mane omiyo piny duto odongʼ gunda, mane otieko miechgi madongo, kendo mane ok nyal gonyo joma osetweyo odog thuchegi?”

Isaya 14:19

In to osejwangʼi oko mar buri mana ka bad yath mojwangʼ; kendo ringri oum gi jogo mosenegi gi ligangla, jogo mowiti e bur motimo kite. Mana ka ringre joma otho minyono gi tielo,

Isaya 22:16

En angʼo ma itimo ka, kendo en ngʼa manomiyi thuolo mar kunyo buri ka, momiyo iloso bur kama otingʼore, kendo iloso kari maber mar yweyo e kind lwanda?