Isaya 10:15 - Motingʼo Loko Manyien

¹⁵ To bende le disungre ne ngʼat matongʼo kode, koso musimeno dinyisre ne ngʼat ma ngʼeto kode? Bende arungu digo ngʼato kaonge ngʼama odire, koso okwajo diwuothi kaonge ngʼama osirore kode?

MUMA MALER 2015

¹⁵ To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Isaya 10:15 ပူးပေါင်းရင်းမြစ်များ

Isaya 10:5

Mano kaka unune malit un jo-Asuria, luth ma agoyogo ji ka akecho, en e luth ma akumogo ji ka mirima omaka!

Isaya 29:16

Iloko gik moko ataro, mana ka gima jachwech bende chal gi lowo mochweyo! Bende gima ochwe nyalo wachone jachwechne niya, “Ne ok ichweya?” Koso agulu bende nyalo wachone jachwechne niya, “Onge gima ingʼeyo?”

Isaya 37:23

En ngʼa misejaro kendo yanyo? Koso en ngʼa ma isegone koko, kijowo wangʼi gi sunga? Donge en mana Jal Maler mar Israel.

Isaya 45:9

“Mano kaka ngʼama piem gi Jachwechne none malit, ngʼat ma en mana lowo mochwe, mantiere e kind lope mamoko. Bende lowo nyalo wachone jachwechne ni, ‘En angʼo ma iloso?’ Bende tich lweti nyalo wachoni ni, Onge gima iloso?

Isaya 7:20

E kindeno Ruoth Nyasaye nokonyre gi wembe mokwa tok Aora kocha ma en ruodh Asuria, mondo olielgo yie wiyeu, yie tiendeu kod yie tiku bende.

Ezekiel 28:9

Bende koro iniwach ni, “An nyasaye,” ka joma biro negigo ochomi tir? Inibed dhano adhana matho, ma ok nyasaye, e lwet joma negi.