Isaya 10:14 - Motingʼo Loko Manyien

¹⁴ Mana kaka ngʼato kawo tongʼ e od winyo, e kaka lweta oseyudo kuma mwandu mag pinje nitie; mana kaka ji choko tongʼ modongʼ kendgi, e kaka ne achoko pinje duto, maonge mano mane nyalo kwadho bwombe, kata ngʼamo dhoge mondo oywagi.’ ”

MUMA MALER 2015

¹⁴ Lweta oseyudo kuonde ma mwandugi nitie, kendo asekawo pinje duto mana kaka ng’ato kawo tong’ e od winyo ma oringo, ma onge gima kwadho buombe, kata ma ng’amo dhoge, kata ma chwicho!”

Isaya 10:14 ပူးပေါင်းရင်းမြစ်များ

2 Weche mag Ndalo 32:13

“Donge ungʼeyo gima an kod kwerena osetimo ni ogendini mamoko duto mag pinje? Dak ne nyiseche pinjego duto resgi e lweta?

Ayub 31:25

kata kapo ni chunya osetingʼore nikech mwandu mangʼeny ma an-go, kata ka asemor kuom mwandu mathoth ma lweta osechoko,

Ngeche 18:12

Kapok ngʼato opodho, to sunga bedo e chunye, to muolo kelo pak.

Isaya 14:6

mane gisandogo ogendini pile gi gero ka gigoyogi maonge yweyo, kendo ka gitiyogi gi gero malich maonge giko.

Isaya 37:25

Asekunyo sokni e pinje mamoko mi amodho pige man kuno. Asemiyo aore duto mag Misri bende oduono ka anyonogi gi tienda.’

Isaya 5:8

Unune malit, un joma mayo ji utegi ma gisegero kendo umayo ji puothegi, maonge kama odongʼ ma udongʼ ka udak kendu e pinyno.

Jeremia 49:16

Luoro musemiyo ji kod sunga manie chunyu osewuondou, un jogo modak e kind lwendni, modak kuonde motingʼore gi malo mar got. Kata obedo ni ugero uteu mabor ka od otenga, koa kuno abiro dwokou piny,” Jehova Nyasaye owacho.

Ezekiel 35:13

Ne isungorina kendo ne iwuoyo marach kuoma ka ok iritori, kendo ne awinjo gik moko duto mane iwacho.

Obadia 1:4

To kata obedo ni unyalo fuyo malo mabor ka ongo, kendo ugero kar daku maber e kind sulwe malo, to koa kuno abiro dwokou piny,” Jehova Nyasaye owacho.

Nahum 2:9

Yakuru fedha! Yakuru dhahabu! Mwandugi ngʼeny mokadho, gin mwandu mogol kuonde kenogi duto.