Hosea 7:6 - Motingʼo Loko Manyien

⁶ Chunygi chalo gi kendo, gidhi ire ka gisechano timo timbe mochido. Gombogi liet ka maa otieno, kochopo okinyi to omuoch ka mach maliel.

MUMA MALER 2015

⁶ Adier, giowore gi timbegi mana ka kendo ma mach nyenynie. Otieno duto, mirimbgi okuot, okinyi omuoch ka mach maliel.

Hosea 7:6 ပူးပေါင်းရင်းမြစ်များ

Zaburi 21:9

E sa ma ibiro chopoe, to ibiro miyo gichal gi kendo mar mach mager. Jehova Nyasaye biro mwonyogi kuom mirimbe mager, kendo mach mare biro tiekogi.

Ngeche 4:16

Nikech ok ginyal nindo nyaka gitim gima mono; ayula wangʼ bende ok nyal terogi kapok gimiyo ngʼato opodho.

Hosea 7:4

Giduto gin joma terore, giore ka kendo, ma jated makati oweyo chwaloe mach nyaka otiek dwelo mi makati kuodi moromo tedo.

Hosea 7:7

Giduto giliet ka kendo, gikidho jotendgi. Ruodhigi bende gitieko, to onge ngʼato kuomgi maluonga.

Mika 2:1

Mano kaka nobed malit ne joma chano timo richo, ka giriere e kitendinigi! Gokinyi ka chiengʼ wuok to gichopo chenrogi nikech gin gi teko mar timo kamano.