Hosea 5:12 - Motingʼo Loko Manyien

¹² Achalo gi oguyo ne jo-Efraim, achalo gima otop ne jo-Juda.

MUMA MALER 2015

¹² Kuom mano an awuon abiro kelo masira kuom jo-Israel, atiek jo-Juda pep.

Hosea 5:12 ပူးပေါင်းရင်းမြစ်များ

Ayub 13:28

“Omiyo koro dhano rumo mos mos kaka gima otop, mana ka nanga ma olwenda ochamo.”

Zaburi 39:11

Ikwero ji kikumogi nikech richogi; itieko mwandugi mana kaka thuth tieko oduma, dhano ka dhano en mana muya nono. Sela

Ngeche 12:4

Dhako ma kite longʼo en osimbo mar chwore, to dhako ma timbene richo chalo gi nyamuoda manie choke.

Isaya 5:24

Kuom mano kaka lew mach wangʼo yugi kendo kaka lum motwo lal nono e mach, e kaka tiendgi notow bende maua mawuok e itgi nolwar mana ka buru, nikech gisedagi chik mar Jehova Nyasaye Maratego kendo chayo wach Jal Maler mar Israel.

Isaya 50:9

En mana Jehova Nyasaye Manyalo Gik Moko Duto ema konya. En ngʼa mabiro ngʼadona bura? Gibiro ti mana ka law, ma olwenda ochamo.

Isaya 51:8

Nimar olwenda biro chamogi duto ka law; kendo kudni nochamgi mana ka yie rombe. To adiera mara nosiki manyaka chiengʼ, kendo resruok makelo ok norum e kind tienge gi tienge.

Jona 4:7

To kane ochopo kogwen kinyne, Nyasaye ne omiyo kudni ochwoyo otanglono, mi notwo.