Hosea 4:4 - Motingʼo Loko Manyien

⁴ “Kik ngʼato kel wach mar donjo, kik ngʼato donjne wadgi, nimar jou chalo mana ka joma donjo ni jadolo.

MUMA MALER 2015

⁴ Ruoth Nyasaye wacho niya, “Un jodolo ema an kodu gi wach, omiyo kik ng’ato par ni ji ema akwero kendo asiemo.

Hosea 4:4 ပူးပေါင်းရင်းမြစ်များ

Jeremia 18:18

Negiwacho, “Biuru, wangʼad rieko mar hinyo Jeremia; nimar puonj mar chik mikelo gi jadolo ok nolal, kata ngʼado rieko moa kuom joma riek, kata weche moa ir jonabi. Omiyo biuru, wahangne wach kendo kik wachik itwa ne gimoro amora mowacho.”

Ezekiel 3:26

Abiro miyo lewi moki e dandi, mondo eka ilingʼ ma ok inyal kwerogi, kata obedo ni gin dhoot mohero ngʼanyo kamano.

Hosea 4:17

Jo-Efraim oriwore gi nyiseche manono; weyeuru kamano!

Amos 5:10

Un umon gi ngʼama odonjo ni jaketho, kendo usin gi ngʼat mawacho adiera.

Amos 5:13

Emomiyo ngʼat mariek lingʼ alingʼa e kinde ma kama nikech gin kinde mag richo.

Amos 6:10

To ka achiel kuom wede joma othogo obiro mondo okaw wadgi mondo owangʼ, to nopenj ngʼat motonyno niya, “Bende ngʼato ni kodi kanyo?” Ngʼatno nodwoke niya, “ooyo,” kendo nowachne niya, “Lingʼ thi nikech ok onego waluong nying Jehova Nyasaye ka.”

Rapar mar Chik 17:12

Ngʼato monyiso wich teko ne jangʼad bura kata ne jadolo ma ochungʼ kanyo kachiwo weche Jehova Nyasaye ma Nyasachu nyaka negi kendo nyaka ugol tim mamono e dier jo-Israel.