Hosea 4:17 - Motingʼo Loko Manyien

¹⁷ Jo-Efraim oriwore gi nyiseche manono; weyeuru kamano!

MUMA MALER 2015

¹⁷ Jo-Israel ni e bwo loch mar nyiseche manono,

Hosea 4:17 ပူးပေါင်းရင်းမြစ်များ

Zaburi 81:12

Omiyo ne aweyogi nikech chunygi ne tek, kendo negiluwo yoregi giwegi.

Hosea 11:2

To kaka ne amedo luongo Israel e kaka nomedo dhi mabor koda. Negichiwo misengini ne Baal kendo wangʼo ubani ne kido molosi.

Hosea 11:6

Ligangla nomil e miechgi madongo manoketh lodi mag rangeyegi, kendo chenro duto magin-go norum.

Hosea 12:1

Efraim geno gima onge, olawo yamb wuok chiengʼ odiechiengʼ duto, kendo omedo miriambo kod gero. Oketo winjruok gi Asuria kendo ooro mor zeituni ne jo-Misri.

Hosea 13:2

Koro gimedo timo richo, bende giloso nyisechegi mag fedha mondo gilam, ma gin kido molos gi rieko mangʼeny, magi duto gin tich jopa bepe. Wachore kuom jogi niya, “Gitimo misango gi dhano, kendo ginyodho kido molos mar nyaroya.”

Hosea 4:4

“Kik ngʼato kel wach mar donjo, kik ngʼato donjne wadgi, nimar jou chalo mana ka joma donjo ni jadolo.

Mathayo 15:14

Wegiuru aweya; gin jotecho ma muofni. Ongʼere ni ka ngʼama muofu otelo ne muofu wadgi to nyaka gilingʼre ei bugo giduto kargi ji ariyogo.”

Fweny 22:11

We ngʼat matimo richo odhi nyime kod timo richo; kendo ngʼat ma chunye ochido odhi nyime timo timbe mochido; to ngʼat matimo tim makare bende odhi nyime gi timo tim makare, to ngʼat maler odhi nyime gibedo maler.”