Hosea 2:6 - Motingʼo Loko Manyien

⁶ Omiyo anagengʼ yore kod bungu maduongʼ mar kudho; abiro dinone chuth ma ok noyud yo mowuok godo oko.

MUMA MALER 2015

⁶ “Kuom mano yo mokadhoe abiro dino gi kudho, kendo abiro gero ohinga ogeng’ yo moluwo, mondo kik ochak oluw yorene machon.

Hosea 2:6 ပူးပေါင်းရင်းမြစ်များ

Ayub 19:8

Osedino yorena ma ok anyal kalo; kendo osemiyo kuonde maluwo otimo mudho.

Ayub 3:23

Angʼo momiyo owe ngʼato ka ngima to yorene odinore, ka ngʼatno Nyasaye ogengʼone koni gi koni?

Isaya 57:3

“To un, biuru un yawuot jojuogi, ma koth terruok kod chode!

Jeremia 18:15

To joga wigi osewil koda, giwangʼo ubani ne nyiseche mopa manono, manomiyo gichwanyore e yoregi kendo e yore matindo machon. Giseketogi gi wuotho e yore matindo mogondore, kendo e yore ma ok opa.

Hosea 10:8

Kuonde motingʼore malo mag anjawo nokethi, en emomiyo jo-Israel timo richo. Kuthe kod buya ema biro dongo maim kendegi mag misango. Eka giniwach ne gode madongo niya, “Umwauru!” Kendo ne gode matindo niya, “Rwombreuru kuomwa!”

Hosea 9:6

Kata ka gitony e kethruok, Misri nochokgi, kendo Memfis noikgi. Mwandu mag fedha noum gi pedo kendo kuthe noum hembegi.

Luka 19:43

Ndalo biro chopo ma wasiki biro goyoni agengʼa kolwori, kendo kunyoni bur koni gi koni.

2 Jo-Korintho 12:7

Kuom mano, mondo omi kik abed gi sunga e chunya kuom gik malich miwuoro mane aneno e fweny, ne omiya kudho machwoyo ringra. Kudhono ne en jaote mar Satan, ma noor mondo osanda.