Hosea 13:8 - Motingʼo Loko Manyien

⁸ Anamonjgi mi ayiechgi matindo tindo mana ka ondiek ma omaa nyithinde. Anatiekgi mana ka sibuor, bende le mag bungu noyiechgi matindo tindo.

MUMA MALER 2015

⁸ Abiro monjou mana ka ondiek ma osema nyithinde, kendo abiro yiechou tiarara. Ee, abiro kidhou ka diemo wang’, mana ka sibuor, mi ang’inyu matindo tindo ka ondiek.

Hosea 13:8 ပူးပေါင်းရင်းမြစ်များ

2 Samuel 17:8

Ingʼeyo ni wuonu gi joge gin jolweny, bende gin joma ger mana ka ondiek moma nyithinde. Bende nyaka ingʼe ni wuonu en jalweny mongʼith; ok obi nindo kama jolweny nindoe.

Zaburi 50:22

“Paruru matut kuom wachni, un joma wigi wil gi Nyasaye, nono to abiro kidhou matindo tindo, maonge ngʼama diresu:

Zaburi 80:13

Mbithe moa e bungu kethe, kendo le mag bungu chame.

Ngeche 17:12

Ber romo gi ondiek madhako moma nyithinde, moloyo romo gi ngʼat mofuwo ei fupe.

Isaya 5:29

Giruto ka sibuor kendo gingʼur ka sibuoche matindo, bende gimor ka gidwaro mako le, mi gitingʼ-gi e dhogi maonge ngʼama nyalo resogi.

Isaya 56:9

Biuru un le manie thim, biuru mondo utiek gik moko un le mag bungu duto!

Jeremia 12:9

Donge girkeni maga osebedona ka kweth mag achudhe, ma achudhe mamoko lworo mondo okedgo? Dhi kendo ichok le mag bungu duto; kelgi mondo gikidh joga.

Jeremia 25:38

Kaka sibuor enowe kare mar dak, kendo pinygi nodongʼ nono, nikech ligangla mar ngʼama thiro ji kendo ligangla mar mirimb Jehova Nyasaye mager.

Hosea 2:12

Anaketh yiendene mag mzabibu gi yiend ngʼopene mane owacho ni ne chudone moa kuom joherane. Abiro ketogi bunge, kendo le mag bungu nokethgi.”

Hosea 5:14

Abiro bedo ka sibuor ni Efraim, kaka sibuor malich ni Juda. Abiro kidhogi matindo tindo bangʼe to abiro weyogi. Anatingʼ-gi matergi mabor, maonge ngʼama nyalo resogi.